ديماشپەن كەزدەسۋ ءۇشىن لوندوندا جانكۇيەرلەر ۇزىن-سونار كەزەككە تۇردى
استانا. KAZINFORM - لوندوندا جانكۇيەرلەر قازاقستاننىڭ حالىق ءارتىسى ديماش قۇدايبەرگەنمەن كەزدەسۋگە قاتىسۋ ءۇشىن كەزەككە تۇردى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
قازاقستاندىق ءانشى لارا فابياننىڭ كونسەرتىندە ارنايى قوناق رەتىندە ونەر كورسەتتى، ال بۇگىن ءوز جانكۇيەرلەرىمەن كەزدەسەدى. كەزدەسۋ لوندونداعى Hilton London Wembley قوناقۇيىنىڭ Grand Ballroom زالىندا وتەدى.
- مەن ءومىر بويى ديماشتىڭ جانكۇيەرى بولىپ جۇرگەن سەكىلدىمىن. مەن ونى شىن جۇرەگىممەن جاقسى كورەمىن. ول ءبىزدى جۇرەگىمەن دە، جانىمەن دە باۋراپ الادى! بۇل - الەمدەگى ەڭ ۇزدىك داۋىس ءارى الەمدى وزگەرتىپ جاتقان ادام. ءبىز وعان شەكسىز ريزامىز، - دەدى كاليفورنيادان كەلگەن ديماشتىڭ جانكۇيەرى گلوريا ماكيۋن.
ەسكە سالا كەتەيىك، 3 -ماۋسىم كۇنى ديماش لوندوندا لارا فابياننىڭ كونتسەرتىندە ارنايى قوناق رەتىندە ونەر كورسەتتى. شوۋ ۇلى بريتانياداعى ەڭ ءىرى ارەنالاردىڭ ءبىرى - OVO Arena Wembley ساحناسىندا ءوتتى.
