ديماش قىتايلىق ميفولوگيالىق كوركەم فيلمدى دۋبلياجدادى

قىتايدىڭ China Media Group ورتالىق راديوسى مەن تەلەارناسى «Weibo» الەۋمەتتىك جەلىسىندە (Facebook- تىڭ قىتايشا نۇسقاسى) تانىمال قازاقستاندىق ءانشى ديماش قۇدايبەرگەن دۋبلياجداعان ميفولوگيالىق كوركەم فيلمدى جاريالادى، دەپ حابارلادى Kazinform.

«عاجايىپ شىن-نۋڭ» دەپ اتالاتىن فيلمدە قىتاي ميفولوگياسىنداعى «شىن-نۋڭ» دەگەن ۇلى تۇلعانىڭ تاريحى باياندالادى.

قىتاي ميفتەرى مەن اڭىزدارىنا قاراعاندا، «شىن-نۋڭ» ادامدارعا ءبيداي ءوسىرۋدى، كيىم تىگۋدى، شوپتەن ءدارى جاساۋدى ۇيرەتتى. ول - قىتاي ميفولوگياسىنداعى ادامزات بالاسى وركەنيەتىنىڭ دامۋىنا باعىت-باعدار بەرگەن سيقىرلى تۇلعا.

قىتايداعى اقپارات قۇرالدارىنىڭ حابارلاۋىنشا، فيلمدى قازاق تىلىندە دۋبلياجداۋ ءۇشىن قازاقستاندىق ءانشى ديماش قۇدايبەرگەندى ارنايى شاقىرتقان.