ديماش قىتايدىڭ چەندۋ قالاسىندا وتكەن جاڭا جىلدىق كونسەرتتە ونەر كورسەتتى

استانا. قازاقپارات - 26 - جەلتوقساندا قىتايدىڭ وڭتۇستىك- باتىسىنداعى سىچۋان پروۆينتسياسىنىڭ ورتالىعى چەندۋ قالاسىندا «2025四川省新年音乐会» («2025 -جىلعى سىچۋاننىڭ جاڭا جىلدىق كونسەرتى») ءوتتى. بۇل تۋرالى dimashnews.com جازدى.

«تيانفۋ وركەنيەتىنىڭ پوەتيكالىق ەستەلىگىنە» كوپتەگەن تانىمال تۇلعالار جينالدى. ولاردىڭ اراسىندا قازاقستاندىق مۋزىكانت ديماش قۇدايبەرگەن دە بولدى.

ديماش ءوزىنىڭ رەپەرتۋارىنداعى قىتاي تىلىندەگى ەڭ ادەمى ليريكالىق اندەرىنىڭ ءبىرى - «The Crown» ءانىن ورىندادى. بۇل ءان 2017 -جىلى «Xiaomi Super GOD MOBA» موبيلدى ويىنىنا ساۋندترەك رەتىندە شىققان قازاقستاندىق كومپوزيتور ۇلىقپان جولداسوۆتىڭ «كىم ەكەن» شىعارماسىنىڭ قىتاي تىلىندەگى نۇسقاسى.

سونداي-اق ديماش قىتايدىڭ تانىمال ءانشىسى ۆەي ۆەيمەن بىرگە «Join Hands» ءانىن ورىندادى. «Golden Panda» سىيلىعىنا لايىقتى دەپ تانىلعان «Join Hands» ءانىن اتاقتى چجۋ حاي مەن كومپوزيتور، «وسكار» سىيلىعىنىڭ مۋزىكالىق سۋدياسى ناتان ۆانگ جازعان. ول العاش رەت 2023 -جىلى 20 - قىركۇيەكتە چەندۋ قالاسىندا وتكەن «Golden Panda» ماراپاتتاۋ ءراسىمىنىڭ فينالىندا ورىندالدى.

ەلميرا ورالبايەۆا