ديماش قۇدايبەرگەننىڭ ءانى ەليسەي سارايىندا اۋەلەدى
استانا. KAZINFORM - فرانسيا پرەزيدەنتى ەممانيۋەل ماكرون مەملەكەت باسشىسى قاسىم-جومارت توقايەۆتىڭ قۇرمەتىنە وراي كەشە ەليسەي سارايىندا مەملەكەتتىك قابىلداۋ وتكىزگەن. وسى جيىندا ديماش قۇدايبەرگەن جينالعان قاۋىمدى اسەم انىمەن ءتانتى ەتتى. بۇل تۋرالى پرەزيدەنت كەڭەسشىسى - باسپا ءسوز حاتشىسى بەرىك ءۋالي الەۋمەتتىك جەلىدەگى پاراقشاسىنا جازدى.
«مەملەكەت باسشىسى قاسىم-جومارت توقايەۆتىڭ قۇرمەتىنە وراي فرانسيا پرەزيدەنتى ەممانيۋەل ماكروننىڭ قابىلداۋىندا وراي ەليسەي سارايىندا مەملەكەتتىك قابىلداۋ وتكىزگەن بولاتىن. الەمگە ايگىلى ءانشىمىز ديماش قۇدايبەرگەن جينالعان قاۋىمدى اسەم انىمەن ءتانتى ەتتى. ديماشىمىزدىڭ پاريج تورىندە شىرقاعان ەكىنشى ءانى اتاقتى «دايديداۋ». ەليسەي سارايىندا قوس پرەزيدەنتتىڭ الدىندا ورىنداعان ەكى ءانىن دە مەملەكەتتىك قابىلداۋعا جينالعان جۇرتشىلىق وتە جىلى قابىلدادى. وسى ەكى ءاننىڭ ۆيدەوسىن جولداعان فرانسۋزدىق ارىپتەسىم اناستاسيا كولوسيموعا ايرىقشا راحمەتىمدى ايتامىن»، - دەپ جازدى بەرىك ءۋالي.
