ديماش قۇدايبەرگەن قىتايلىق مۋزىكالىق شوۋدا «التىن اۋەن» سىيلىعىن جەڭىپ الدى

استانا. KAZINFORM - قازاقستاندىق ءانشى ديماش قۇدايبەرگەن قىتايلىق تەلەارنانىڭ «ءبىزدىڭ ءان» اتتى مۋزىكالىق شوۋىندا ونەر كورسەتتى.

شوۋدا ديماش قىتايلىق ءانشى حۋان سياويۋنمەن بىرگە «Red Moon Rules» ءانىن ورىنداپ، كورەرمەندەر مەن قازىلاردىڭ القاۋىنا بولەندى.

سونداي- اق، ديماش قۇدايبەرگەن تاعى ءبىر قىتايلىق تانىمال ءانشى گون ليننامەن بىرگە «Become a Poet» ءانىن شىرقادى.

ايتا كەتەرلىگى، ديماش باعدارلاما كەزىندە قىتايلىق انشىلەرگە قازاق ءتىلىن ۇيرەتتى. ال قىتايلىق انشىلەر ديماشقا قىتايشا ءان ايتۋىنا كومەكتەسكەن.

باعدارلاما سوڭىندا، ديماشتىڭ ورىنداۋىنداعى «Become a Poet» ءانى التىنشى ماۋسىم التىنشى كەزەڭىنىڭ «التىن اۋەنى» سىيلىعىن جەڭىپ الدى.

«ءبىزدىڭ ءان» مۋزىكالىق تەلەشوۋىنىڭ التىنشى ماۋسىمى 21-شىلدەدە كوگىلدىر ەكراننان كورسەتىلە باستادى. بۇل شوۋ قىتايدا كورىلىمى ەڭ جوعارى باعدارلامالار قاتارىنا جاتادى.

اۆتور

مۇحتار قاليموللا ۇلى