ديماش قۇدايبەرگەن قىتايداعى باستى تەلەارنانىڭ جوباسىنا قاتىستى

استانا. KAZINFORM - ءانشى ديماش قۇدايبەرگەن قىتايداعى باستى تەلە ارنانىڭ جوباسىنا قاتىستى. بۇل تۋرالى dimashnews.com

Димаш Кудайберген принял участие в проекте главного телеканала Китая
Фото: dimashnews.com

8-ماۋسىمدا CCTV-1 ارناسى قىتايدىڭ ورتالىق راديو جانە تەلەديدارى مادەنيەت جانە تۋريزم مينيسترلىگىمەن بىرلەسە وتىرىپ، قىتاي مەن باسقا دا شەتەلدەر اراسىنداعى كەڭ اۋقىمدى حالىقارالىق مادەني الماسۋ ماقساتىندا جۇزەگە اسىرعان «سۇلۋلىق پەن ۇيلەسىمدىلىك» جوباسىنىڭ جاڭا ءبولىمىن كورسەتتى.

«مۋزىكا شەكارالاردى، ال مادەنيەت كوپىرلەردى باعىندىردى. اۋەن باستالعاندا، مەنىڭ انىمنەن كۇش پەن قايراتتىڭ لەبى سەزىلىپ تۇرادى دەگەن ۇمىتتەمىن»، - دەپ جىلى لەبىزبەن ديماش جانكۇيەرلەرىن باعدارلامانى تاماشالاۋعا شاقىردى.

سول جوبا كەشىندە ديماشتىڭ بىرنەشە جىلدان بەرى جەكە كونتسەرتتەرىنىڭ نەگىزى بولعان ەرەكشە كۇش پەن قايراتقا تولى «Golden» ءانى جوبانىڭ ساحناسىندا تاعى دا شىرقالدى.

ال حالىقارالىق ىنتىماقتاستىق رەتىندە قازاقستاندىق ءانشى ديماش قۇدايبەرگەن قىتايدان كەلگەن سۋجوۋ جاستار سيمفونيالىق وركەسترىنىڭ حورى POLY WeDo سۇيەمەلدەۋىمەن ايگىلى «You Raise Me Up» كومپوزيتسياسىن ۇسىندى.

ەسكە سالا كەتەيىك، ديماش وتكەن جىلدىڭ قازان ايىندا وتكەن «سۇلۋلىق پەن ۇيلەسىمدىلىك» جوباسىنىڭ پرەمەرا بولىمىنە قاتىسقان بولاتىن. ودان كەيىن اتاقتى پيانيست لانگ لانگپەن بىرگە كومپوزيتور سين سينحايدىڭ «سارى وزەننىڭ قايىقشىسىنىڭ ءانى» اتتى فورتەپيانولىق كونتسەرتىنىڭ ءبىرىنشى ءبولىمىنىڭ فراگمەنتىن ورىنداپ، قازاقتىڭ حالىق ءانى «دۋدارايدى» ءتول ءداستۇرلى ناقىشتا جانە دجاز- فانك ستيلىندە ۇسىندى.

سوڭعى جاڭالىقتار