ديماش قۇدايبەرگەن ەلىمىزدىڭ ءانۇرانىن ورىندادى

ديماش قۇدايبەرگەن جاڭا جىل مەرەكەسىنە وراي ەلىمىزدىڭ ءانۇرانىن ورىندادى. تانىمال ءانشىنىڭ ورىنداۋى Jibek Joly تەلەارناسىنان كورسەتىلدى، دەپ حابارلايدى Kazinform.

ديماش ءانۇراندى اقوردادا سيمفونيالىق وركەستردىڭ سۇيەمەلدەۋىمەن ورىندادى. بۇل ورىنداۋ Jibek Joly تەلەارناسىنان ترانسلياتسيالاندى.

ايتا كەتەيىك، بيىل Jibek Joly تەلەارناسى جاڭا جىلدى EXPO قالاشىعىندا وتكىزۋگە باستاماشى بولدى. تەلەارنا 2023-جىلدى قالىڭ كوپشىلىكپەن بىرگە شىعارىپ سالىپ، 2024-جىلدى قارسى الدى. شوۋ-باعدارلامانىڭ حەدلاينەرلەرى ەسترادا جۇلدىزدارى Kalifarniya مەن Amre بولدى. ءىس-شارادا سونداي-اق وزگە دە ساحنا جۇلدىزدارى ونەر كورسەتتى.