ديماش قۇدايبەرگەن پلاسيدو دومينگوعا شاپان سىيلادى
استانا. KAZINFORM - ءانشى، قازاقستاننىڭ حالىق ءارتىسى ديماش قۇدايبەرگەن اتاقتى ءانشى پلاسيدو دومينگوعا شاپان سىيلادى.
وپەرا انشىسىنە قۇرمەت كورسەتىپ جاتقان ءساتتىڭ ۆيدەوسىن الەۋمەتتىك جەلىدەگى پاراقشاسىندا جاريالادى.
«قاي حالىقتا بولماسىن، ءوزىنىڭ كىندىك قانى تامىپ، تۋىپ-وسكەن ەلىنە، جەرىنە دەگەن ىستىق ىقىلاسىن، تەرەڭ سەزىمدەرىن ولەڭگە قوسىپ، ءوز ولكەسىنىڭ تاۋ-تاسىن، دارحان دالاسىن، اققۋلى كولىن جىرلاماعان ونەرپاز كەمدە-كەم. ساف ونەرى ارقىلى ءوز ۇلتىنىڭ ءۇنىن، جۇرەكتەن شىققان تىڭ تۋىندىلارىن كۇللى الەمنىڭ الاقانىندا ايالاتا بىلگەن 20- عاسىردىڭ ۇزدىك وپەرا ءانشىسى پلاسيدو دومينگو اتامىزعا ءداستۇرىمىز بويىنشا شاپان جاپقان ساتتەن كورىنىس. بۇگىنگى كۇن - ەرتەڭگى تاريح»، - دەپ جازدى ءانشى Instagram-داعى پاراقشاسىندا.
بۇعان دەيىن ديماش قۇدايبەرگەن مەن پلاسيدو دومينگو بۋداپەشتتە Virtuosos V4+ جوباسىنىڭ فينالىندا جورج بيزەنىڭ 1863-جىلعى «يسكاتەلي جەمچۋگا» وپەراسىنان دۋەت شىرقاعان بولاتىن.
