ديماش قۇدايبەرگەن، پلاسيدو دومينگو، حوسە كاررەراس «Virtuosos» حالىقارالىق جوباسىندا قازىلىق ەتەدى
استانا. قازاقپارات – 26-قاڭتاردا ديماش قۇدايبەرگەن «Virtuosos» جوباسىنىڭ 10-مەرەيتويلىق ماۋسىمىنا قازىلار القاسىنىڭ مۇشەسى رەتىندە قاتىسۋ ءۇشىن ۆەنگريانىڭ بۋداپەشت قالاسىنا باردى. بۇل تۋرالى dimashnews.com جازدى.

ۇلكەن اۋديتورياعا ارنالعان كلاسسيكالىق مۋزىكا الەمى، جاس تالانتتاردىڭ ەرەكشە بايقاۋى كورەرمەندەرگە ۇمىتىلماس سەزىم سىيلايدى. باعدارلاماعا ۆەنگريا، اۆستريا، سلوۆەنيا، سەربيا جانە چەرنوگوريادان كەلگەن ءتورت جاس تالانتتى مۋزىكانت قاتىسادى.
جارتىلاي فينالدا ءار ەلدىڭ قاتىسۋشىلارى ءبىر-بىرىمەن جۇپ-جۇپ بولىپ سايىسقا تۇسەدى. سودان كەيىن فينالدا ءار ەلدەن بەس ونەرپاز ءبىر-بىرىمەن كەزدەسەدى.
سايىستىڭ ەڭ جوعارى دەڭگەيى الەمگە ايگىلى مۋزىكا سالاسى ماماندارىنىڭ جوعارى قازىلار القاسىنىڭ قۇرامى ارقىلى راستالادى. ولار ءادىل باعالارىن بەرۋ ءۇشىن ءانشىنىڭ ورىنداۋ شەبەرلىگىن عانا ەمەس، سونىمەن قاتار قاتىسۋشىنىڭ ساحناداعى ءىس-ارەكەتىن، ونىڭ كورەرمەندەرگە ەموتسيونالدى اسەرىن دە ەسكەرەدى.
مەرەيتويلىق ماۋسىمنىڭ فينالىندا قازىلار القاسىنىڭ قۇرامىندا تومەندە كورسەتىلگەن ماماندار وتىردى.
پلاسيدو دومينگو - وپەرا تاريحىنداعى ەڭ ۇلى انشىلەردىڭ ءبىرى جانە ايگىلى ديريجەر. ول وسى جىلدار ىشىندە جوبانى قولداپ، شوۋدىڭ جۇلدىزدى قوناعى جانە سونىمەن قاتار تورەشىسى بولدى.
حوسە كاررەراس - الەمدەگى ەڭ تانىمال تەنورلاردىڭ ءبىرى. 60 تان استام وپەرالىق پارتيالاردى ورىنداپ، ءارتۇرلى مۋزىكالىق جانرلاردا مىڭداعان قويىلىمدارعا قاتىسقان.
ۆەرونيكا بەرتي بوچەللي - اندرەا بوچەلليدىڭ باس مەنەدجەرى. ايگىلى ءانشىنىڭ الەمدىك دەڭگەيدەگى ءتۇرلى بەدەلدى ءىس-شارالارعا قاتىسۋىن ۇيىمداستىرۋشى.
ديماش قۇدايبەرگەن - ۆوكال جانە كومپوزيتسيا سالاسىندا كلاسسيكالىق ءبىلىم العان، الەمنىڭ ءتۇرلى ەلدەرىندەگى قويىلىمدارى انشلاگ جينايتىن، وتباسىنا، ءوز مادەنيەتى مەن جالپى الەمگە قاراپايىمدىلىعى مەن ادالدىعى ءۇشىن جانكۇيەرلەرىنىڭ سۇيىكتىسىنە اينالعان قازاقستاندىق مۋزىكانت.
ەريكا ميكلوشا - ۆەنگريالىق وپەرا ءانشىسى، كولوراتۋرالىق سوپرانو. ۆەنگريا مەملەكەتتىك وپەرا تەاترىنىڭ سوليسى. ول «Virtuosos» ۇلتتىق جانە حالىقارالىق بايقاۋلارىنىڭ تۇراقتى ۆەنگرلىك سۋدياسى.
حاۋزەر - حورۆات ۆيولونچەليستى، ۆيرتۋوز. ول ءوز ونەرىمەن تىڭداۋشىلاردى ماگنيت سياقتى وزىنە ەلىكتىرىپ، ونىڭ اۋەنى ارقىلى ۇرپاقتار جالعاستىعى جاندانا تۇسەدى. ونىڭ ونەرى كروسسوۆەر، كلاسسيكالىق جانە زاماناۋي مۋزىكا اراسىنداعى شەكارالاردى بۇزىپ، كەرىسىنشە ءبىر-ءبىرىن ۇيلەسىمدى بىرىكتىرەدى.
اندراس كەللەر - سكريپكاشى جانە ۆەنگر كلاسسيكالىق مۋزىكاسىنىڭ كورنەكتى قايراتكەرى. ول قۇرعان كەللەر كۆارتەتى كوپتەگەن حالىقارالىق ماراپاتتارعا يە بولدى. 2007-جىلدان باستاپ بۋداپەشت كونسەرتىنىڭ مۋزىكالىق جەتەكشىسى.
ەلەنا دۋدوچكينا - امەريكاندىق سوپرانو. ول ساحناداعى ايگىلى قويىلىمدارىمەن دە، مادەنيەتتىڭ ادام ومىرىندەگى ماڭىزدىلىعىن جاھاندىق دەڭگەيدە ناسيحاتتاۋىمەن دە تانىمال. ول بۇكىل الەمدە: كارنەگي حوللىنان مارين تەاترىنا دەيىن ونەر كورسەتتى.
ميككو كوديسويا - فيندىك كاسىپكەر، Supercell كومپانياسىنىڭ نەگىزىن قالاۋشى. ول كينو مەن تەلەديدار وندىرىسىندە جاڭالىق الىپ كەلگەن الدىڭعى قاتارلى كامەراىشىلىك ۆيزۋالدى ەففەكتىلەرگە ماماندانعان Fireframe Studios كومپانياسىن قۇردى.
قازاقستاندىق مۋزىكانت ديماش قۇدايبەرگەن «Virtuosos» جوباسىنا ەكىنشى رەت قاتىسادى. وتكەن جىلى ول العاش رەت وسى بايقاۋدىڭ قازىلار القاسى قۇرامىندا بولعان بولاتىن.
بىلتىرعى جوبانىڭ فينالىندا ديماش ⅩⅩ عاسىردىڭ ەڭ ۇلى داۋىسى ماەسترو پلاسيدو دومينگومەن دۋەت جاسادى. ەكەۋى جورج بيزەنىڭ «ءىنجۋ جيناۋشىلار» وپەراسىنداعى نادير مەن زۋرگانىڭ «Au Fond du Temple Saint» دۋەتىن ورىندادى.
ايتا كەتەيىك، بۇعان دەيىن ديماش قۇدايبەرگەن «ۆيرتۋوزي» تەلەشوۋىندا ۇلى تەنور پلاسيدو دومينگومەن بىرگە قازىلار قۇرامىندا بولدى.