ديماش قۇدايبەرگەن الەمگە ايگىلى كومپوزيتورمەن جازعان العاشقى تۋىندىسىن جاقىندا ۇسىنادى
استانا. KAZINFORM - قازاقستاننىڭ حالىق ءارتىسى ديماش قۇدايبەرگەن گرەممي سىيلىعىنىڭ ەكى دۇركىن يەگەرى، الەمگە ايگىلى پروديۋسەر ءارى كومپوزيتور ۋولتەر افاناسيەۆپەن العاشقى تۋىندىسىن ۇسىنادى. بۇل تۋرالى dimashnews.com سايتى جازدى.
«Love’ s not over Yet» اتتى جاڭا ءاننىڭ پرەمەراسى 7-ناۋرىزدا بارلىق مۋزىكالىق پلاتفورمادا جاريالانادى. ال بەينەكليپ ديماش قۇدايبەرگەننىڭ YouTube ارناسىنا شىعادى.
ماەسترو افاناسيەۆ ۋيتني حيۋستون، باربرا سترەيزاند، مەرايا كەري، سەلين ديون، لارا فابيان، ريكي مارتين، لەونا ليۋيس، Savage Garden سىندى الەمدىك جۇلدىزدارمەن سەرىكتەس رەتىندە كۋلت اندەردىڭ اۆتورى جانە پروديۋسەرى بولدى. ول سونداي-اق فيلمدەر مەن مۋلتفيلمدەرگە ساۋندترەكتەر جازعان. ماەسترو افاناسيەۆ جەتەكشىلىگىمەن حالىقارالىق اۆتورلار ۇجىمى ديماش قۇدايبەرگەننىڭ «Love’s not over yet» اتتى جاڭا ءانىن ۇسىنىپ وتىر.
الەمنىڭ كوپتەگەن ەلدەرى ترەكتىڭ رەليزى مەن Love’ s not over Yet مۋزىكالىق بەينەبايانىنىڭ پرەمەراسىن كۇتىپ وتىر.
Los 40 سايتىندا - تەك وزەكتى جانە ەڭ جاڭا مۋزىكالاردى، سونىڭ ىشىندە جاستار سەكتورىنا باعىتتالعان لاتىن امەريكاسىنىڭ ون ەلىندەگى بولىمشەلەرى بار ەڭ كوپ تىڭدالاتىن يسپان مۋزىكالىق راديوستانتسياسى ديماش قۇدايبەرگەن تۋرالى ماقالالار جاريالادى.
- Love’ s not over Yet اتتى جاڭا انىمەن تانىسۋعا ءبىر اپتا عانا قالدى. ديماش قۇدايبەرگەننىڭ كەلەسى سينگلى - بۇكىل الەمدە، سونىڭ ىشىندە يسپانيادا جانكۇيەرلەرىنىڭ قوشەمەتىنە يە بولعان قازاق ءارتىسىنىڭ جاندى قويىلىمىن كورۋ ءۇشىن باسقا ەلدەرگە، ونىڭ ىشىندە ۆەنگرياعا دا بارۋدان تارتىنبايتىن فان- كلۋبى بار. وندا ول ۇلكەن زالداردى جانكۇيەرلەرگە تولتىرىپ، 2017 -جىلدان باستاپ Dears دەگەن اتاۋعا يە بولعان ءوز جانكۇيەرلەرىنىڭ ەرەكشە ماحابباتىنا بولەندى، - دەپ جازدى Los 40 سايتى.
ءبىرىنشى ماقالادا «Love’ s not over Yet» اتتى ديماشتىڭ جاڭا ءانى مەن «My heart will go on» ءانىنىڭ دە پروديۋسەرى بولعان پروديۋسەر ءارى كومپوزيتور ۋولتەر افاناسيەۆ تۋرالى باياندايدى:
«بۇل اتى اڭىزعا اينالعان پروديۋسەرمەن تانىس ەمەس ادامدار ءۇشىن ونىڭ باستى حيتتەرىنىڭ قاتارىندا My Heart Will Go On، سەلين ديوننىڭ تيتانيككە“ارنالعان اڭىزعا اينالعان ءانى جانە مەرايا كەريدىڭ All i Want For Christmas Is You اندەرىن اتاپ وتكەن ءجون» ، - دەپ جازدى.
كليپتىڭ تيزەرى شىققاننان كەيىن جاريالانعان ەكىنشى ماقالادا كليپتىڭ سيۋجەتى تالقىلانادى: «ديماش قۇدايبەرگەننىڭ Love’ s not over Yet فيلمىنىڭ العاشقى كادرلارىن كورگەندە، كوپتەگەن ادامدار «ءبىزدىڭ كوزىمىزدەن ەرىكسىز جاس اعاتىن سياقتى»، - دەيدى.
