21:07, 03 - شىلدە 2024 | GMT +6
ديماش پەن مايرا مۇحامەد قىزى شي جينپيڭنىڭ الدىندا ونەر كورسەتتى
استانا. KAZINFORM - استانادا قىتاي ءتوراعاسىنىڭ ەلىمىزگە مەملەكەتتىك ساپارىنا وراي كونسەرت ۇيىمداستىرىلدى.
مەملەكەت باسشىسى قاسىم-جومارت توقايەۆ قازاقستانعا مەملەكەتتىك ساپارمەن كەلگەن قىتاي حالىق رەسپۋبليكاسىنىڭ ءتوراعاسى شي جينپيڭمەن بىرگە ىسكەرلىك باعىتتاعى ءبىرقاتار كەلىسسوزدەن كەيىن ايگىلى وپەرا ءانشىسى مايرا مۇحامەد قىزى جانە قازاقتىڭ مادەنيەتىن، ءان ونەرىن شارتاراپقا پاش ەتىپ جۇرگەن ديماش قۇدايبەرگەننىڭ ونەرىن تاماشالاپ، بۇلبۇل مايرا مەن ءدۇلدۇل ديماشتىڭ تالانتىنا ءتانتى بولدى.
