ديماش بيبىگۇل تولەگەنوۆا اتىنداعى كرەاتيۆتى مەكتەپتىڭ اشىلۋىنا قاتىستى
استانا. قازاقپارات - 2024 -جىلى 1-قىركۇيەكتە استانا قالاسىندا قازاق ۆوكال ونەرىنىڭ نەگىزىن قالاۋشىلاردىڭ ءبىرى، ۇلى ءانشى جانە حالىق ءارتىسى بيبىگۇل احمەت قىزى تولەگەنوۆا اتىنداعى العاشقى جەكە كرەاتيۆتى مەكتەپتىڭ اشىلۋى ءوتتى. بۇل تۋرالى Dimashnews سايتى جازدى.
مەكتەپتىڭ اشىلۋ سالتاناتىنا قازاقستان رەسپۋبليكاسىنىڭ حالىق ءارتىسى جانە وپەرا ءانشىسى بيبىگۇل تولەگەنوۆا، مەكتەپتىڭ باس قۇرىلتايشىسى جانە Forbes Kazakhstan باسپاگەرى ارمانجان بايتاسوۆ، سونداي-اق، قازاقستان رەسپۋبليكاسىنىڭ حالىق ءارتىسى ديماش قۇدايبەرگەن قاتىستى.
بيبىگۇل تولەگەنوۆا اتىنداعى شىعارماشىلىق مەكتەبى (BTCS) - يننوۆاتسيالىق ءبىلىم بەرۋ تۇجىرىمداماسىن ۇسىناتىن زاماناۋي ءبىلىم بەرۋ ورتالىعى. مۇندا بالالار نەگىزگى ءبىلىم الاتىن پاندەرمەن قاتار كرەاتيۆتى فاكۋلتەتتەردە وزدەرىنىڭ شىعارماشىلىق تالانتتارىن دامىتا الادى.
ءار ءتۇرلى مۋزىكالىق جانرلاردى، مۋزىكا تەورياسى مەن ورىنداۋشىلىق ونەردى زەرتتەۋ Music فاكۋلتەتى اياسىندا وتەدى.
Digital فاكۋلتەتى باعدارلامالاۋدى، ۆەب-ازىرلەۋدى، جاساندى ينتەللەكت پەن كيبەرقاۋىپسىزدىك سالاسىنداعى ءارتۇرلى وزىق تەحنولوگيالاردى ۇيرەتەدى.
بەينەلەۋ ونەرى، گرافيكالىق جانە ارحيتەكتۋرالىق ديزاين ارقىلى بالالاردىڭ شىعارماشىلىق ويلاۋىن دامىتۋعا ارنالعان ارنايى Art فاكۋلتەتى سىنىبى بار.
STEM فاكۋلتەتى فيزيكا، حيميا، بيولوگيا، ينجەنەريا جانە روبوتوتەحنيكا باعدارلامالارىن قامتيدى.
ديماش قۇدايبەرگەن مەن ارمانجان بايتاسوۆ بولاشاق وقۋشىلاردى ءبىلىم كۇنىمەن قۇتتىقتاپ، جاڭا ۇرپاقتىڭ جاڭا قازاقستاننىڭ دامۋىنا زور ۇلەس قوساتىنىنا سەنىم ءبىلدىردى.
اۆتور
باقىتگۇل اباي قىزى
