ديكي ارمان وزىنە قول جۇمساماق بولدى
استانا. KAZINFORM - قاڭتار وقيعاسى كەزىندەگى قىلمىسى ءۇشىن 20 جىلعا سوتتالعان «ديكي ارمان» لاقاپ اتىمەن تانىمال ارمان جۇماگەلديەۆ وزىنە قول سالماق بولدى.

بۇل مالىمەتتى ق ر ىشكى ىستەر مينيسترلىگىنىڭ باسپا ءسوز قىزمەتى راستادى.
- بۇل سوتتالعان (ارمان جۇماگەلديەۆ - رەد. ) وزىنە ازداعان جاراقات كەلتىردى. وعان دەرەۋ مەديتسينالىق كومەك كورسەتىلدى. دەنساۋلىق جاعدايى قاناعاتتانارلىق. سوتتالعان ەرەكشە باقىلاۋدا. ونىمەن مەكەمە پسيحولوگتارى جۇمىس جۇرگىزۋدە، - دەپ حابارلادى قىلمىستىق-اتقارۋ جۇيەسى كوميتەتى.
مالىمەتكە ساي، وسى فاكتى بويىنشا قىزمەتتىك تەكسەرۋ تاعايىندالدى.
ەسكە سالايىق، 2022 -جىلى الماتىدا پوليتسەيلەر قىلمىس الەمىنىڭ بەدەلدىسى ارمان جۇماگەلديەۆتى ۇستاعان بولاتىن.
كەيىن ق ر باس پروكۋراتۋراسى «ديكي ارمان» توبى 24 بەيبىت تۇرعىندى ۇرلاپ، كۇشتەپ ۇستاعانىن ايتتى.
2023 -جىلى قىركۇيەك ايىندا الماتى ماڭىنداعى № 72-تۇزەۋ مەكەمەسىنىڭ تەرگەۋ يزولياتورىندا ءماسليحاتتىڭ ەكس-دەپۋتاتى قايرات قۇدايبەرگەن مەن ارمان جۇماگەلديەۆكە قاتىستى سوت پروتسەسى باستالدى.
بۇعان دەيىن «ديكي ارمان» جەتەكشىلىك ەتكەن ۇيىمداسقان قىلمىستىق توپتىڭ 15 مۇشەسى ۇستالعانىن جازعانبىز.
2024 -جىلدىڭ جەلتوقسان ايىندا ارمان جۇماگەلدييەۆتىڭ ءىسى بويىنشا سوتتا جارىس ءسوز وتكەن بولاتىن.
27-قاڭتاردا قىلمىس الەمىنىڭ سەركەسى «ديكي ارمان» 20 جىلعا سوتتالعانى بەلگىلى بولدى.
اۆتور
ەربول جانات