ديكي ارمان ءوزىن باتىر رەتىندە كورسەتپەك بولدى - اعا پروكۋرور

الماتى. قازاقپارات - باس كولىك پروكۋراتۋراسى الماتى وبلىستىق كولىك پروكۋراتۋراسىنىڭ اعا پروكۋرورى مۇحيت رىسبەكوۆ «ديكي ارمان» ىسىنە قاتىستى پىكىر ءبىلدىردى.

дикий арман
Фото: "ҚазАқпарат" ХАА

«بۇگىن ءبىز قىلمىستىق توپتىڭ جەتەكشىسى جۇماگەلديەۆ پەن ونىڭ قىلمىستىق قاۋىمداستىق مۇشەلەرىنە قاتىستى قىلمىستىق ءىستى قاراۋدى اياقتادىق. سوت ءىستى ءبىر جىلدان استام ۋاقىت بويى قارادى. وسى ۋاقىت ارالىعىندا جۇماگەلديەۆ پەن ونىڭ قورعاۋشىلارى وزدەرىن سوت جانە قوعام الدىندا «ەلىنىڭ پاتريوتى»، «قايعىلى قاڭتاردا حالىققا قول ۇشىن سوزعان حالىق قاھارماندارى» رەتىندە كورسەتۋگە تىرىستى. جۇماگەلديەۆ پەن ونىڭ قورعاۋشىلارى ونى اقتاۋ ءۇشىن ۇيىمداستىرىلعان بەلسەندى ارەكەتتەرىنە قاراماستان، ءبىز ونىڭ تۇپكى نيەتىن دالەلدەي الدىق. ءبىز سوتقا جۇماگەلديەۆتىڭ قاڭتار وقيعاسىنا دەيىن، ياعني 2016-جىلى قىلمىس الەمىنىڭ وسىنداي وكىلدەرى كىرەتىن قارۋلانعان باندا قۇرىپ، باسقارعانىن دالەلدەدىك»، - دەدى ول.

اعا پروكۋروردىڭ ايتۋىنشا، جاپپاي تارتىپسىزدىكتەر - ارنايى ورگاندارمەن قىلمىستىق الەمنىڭ جەكەلەگەن وكىلدەرى الدىن-الا ناقتى ۇيىمداستىرعان ارەكەت.

«جۇماگەلديەۆ بانداسىنىڭ مۇشەلەرى ونىڭ نۇسقاۋى بويىنشا رەسپۋبليكا الاڭى مەن الماتىنىڭ وزگە دە اۋداندارىندا جاپپاي تارتىپسىزدىكتەر جاساپ، بەيبىت ازاماتتاردى ۇرلاپ، ولاردى ۇرىپ-سوعۋ ارقىلى كۇشتەپ ۇستاپ، ءوز ارەكەتتەرىن ۇيالى تەلەفون كامەرالارىنا تۇسىرگەن. وسى ارەكەتىن ىسكە اسىرۋ ءۇشىن جۇماگەلديەۆ 2021-جىلعى تامىزدا 10 دانا قارۋ تىركەلگەن جالعان كۇزەت اگەنتتىگىن ساتىپ العان. ءارى قاراي سول جىلدىڭ قازان ايىندا قىلمىستىق توپ مۇشەلەرى جۇماگەلديەۆتىڭ نۇسقاۋىن ورىنداي وتىرىپ، الماتى جانە شىمكەنتتە ساقتالعان تاعى 12 اتىس قارۋىن زاڭسىز ساتىپ العان. ناتيجەسىندە وسى قارۋلار كوشەدەگى كەزدەيسوق ازاماتتاردى ۇرلاۋ، ۇرىپ-سوعۋ كەزىندە قولدانىلعان»، - دەدى مۇحيت رىسبەكوۆ.

وسى قارۋلاردىڭ ءبىرى 2022-جىلعى 7-قاڭتاردا ارمان جۇماگەلديەۆتى ۇستاعان ساتتە تاركىلەنگەن.

«ول ءوزىن قانشا جەردەن دارىپتەۋگە تىرىسقانىمەن، تەرگەۋ ونىڭ سوزدەرى مەن ءىس-ارەكەتتەرى نارازىلىق بىلدىرۋشىلەردى باسقارۋعا جانە ولاردى ءوز اينالاسىنا بىرىكتىرۋگە، حالىق كەڭەسى اتىنان بيلىككە ءبىرىڭعاي تالاپتارىن قويۋعا باعىتتالعانىن انىقتادى. سوتتا زەردەلەنگەن دالەلدەمەلەر جۇماگەلديەۆتىڭ ءىس-ارەكەتىنىڭ زاڭدىلىعى مەن ءوزىن اسقاقتاتۋ بولىگىندەگى ۋاجدەرىن تولىعىمەن جوققا شىعارادى. اتاپ ايتقاندا، ونىڭ كىناسى بەينەجازبالارمەن، كوپتەگەن سوت ساراپتاماسىنىڭ قورىتىندىسىمەن، جابىرلەنۋشىلەر، كۋالەر بەرگەن ايعاقتارمەن، زاتتاي ايعاقتارمەن، ياعني تاركىلەنگەن قارۋ ارسەنالىمەن راستالدى. جۇماگەلديەۆ بارلىق سوت وتىرىسى بارىسىندا ءوزىن ازىق-تۇلىك جيناۋدى ۇيىمداستىرىپ، ولاردى ءوز اتىنان كەزدەيسوق ءوتىپ بارا جاتقان ادامدار مەن شتابى ۇيىمداستىرىلعان قوناق ءۇي قىزمەتكەرلەرىنە تاراتقان باتىر رەتىندە كورسەتۋگە تىرىستى. ءىس جۇزىندە جۇماگەلديەۆ «جاپپاي تارتىپسىزدىكتەرگە قاتىسۋشىلارمەن كۇرەسۋشى ادام كەيپىن» تانىتتى، الايدا ونىڭ بارلىق ارەكەتى ۇيىمداستىرىلعان قىلمىستاردىڭ ءىزىن جاسىرۋعا باعىتتالدى»، - دەدى ول.

27-قاڭتاردا الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا قاڭتار وقيعاسىنا قاتىستى ءىس بويىنشا سوت شەشىمى شىقتى.

وسىلايشا ارمان جۇماگەلديەۆتىڭ قىلمىستىق توبىنىڭ باسشىلارى مەن قارۋلى توبىنىڭ مۇشەلەرى، ۇ ق ك- نىڭ 5-دەپارتامەنتىنىڭ ەكس-باسشىسى رۋسلان ىسقاقوۆقا، الماتى ءماسليحاتىنىڭ ەكس-دەپۋتاتى قايرات قۇدايبەرگەنگە جانە باسقا دا تۇلعالارعا قاتىستى قىلمىستىق ءىس اياقتالدى.

سوڭعى جاڭالىقتار