دوپينگ داۋىنا ىلىكپەس ءۇشىن سپورتشىلارىمىز نە ىستەۋى كەرەك

ауыр атлет
Фото: Pexels

استانا. KAZINFORM - وليمپيادا ويىندارىنا باراتىن سپورتشىلارىمىز دوپينگ داۋىنا ىلىكپەس ءۇشىن تەك ۆيتامين جانە ءدارى-دارمەك قولدانعاندا عانا ساق بولماي، كۇندەلىكتى تاماقتانۋ بارىسىندا دا ابايلاعانى ءجون.

بۇل تۋرالى Kazinform تىلشىسىنە سۇحبات بەرگەن قازاقستان رەسپۋبليكاسىنىڭ دوپينگكە قارسى ۇلتتىق ورتالىعىنىڭ باسشىسى مايرا باقاشيەۆا ايتىپ بەردى.

«وليمپيادا ويىندارى كۇن ساناپ جاقىنداپ كەلەدى. سپورتشىلارىمىز باستى دودادا باسى دوپينگ داۋىنا ىلىكپەس ءۇشىن قازىردەن ساقتىق تانىتۋى كەرەك. دوپينگ دەگەن - تەك قانا كۇش بەرەتىن ءدارى-دارمەك ءىشۋ ەمەس، ول قالاي بولسا سولاي تاماقتانۋدان دا بولادى. قازىرگى ماسەلەنىڭ ءبىرى - سپورتشىلاردىڭ دوپينگپەن لاستانعان تاعام قوسپالارىن قولدانۋى. ءبىزدىڭ ورتالىقتىڭ ماماندارى ءارقاشان سپورتشىلار مەن جاتتىقتىرۋشىلار قۇرامىن تاعامدىق قوسپالاردى قاۋىپسىز پايدالانۋدىڭ ماڭىزىن باستى نازاردا ۇستاۋعا شاقىرىپ كەلەدى. ءونىم وندىرۋشىلەر مەن ساتۋشىلار ءوز تۇتىنۋشىسىنا ءونىمنىڭ قاۋىپسىزدىگىنە كەپىلدىك بەرەتىنىنە قاراماستان ءبىز سول ونىمدەردى تەكسەرۋ بارىسىندا لاستانعان، ياعني ولاردىڭ قۇرامىندا تىيىم سالىنعان زاتتار بولاتىنىن ءجيى كورىپ ءجۇرمىز. سوندىقتان تاعامدىق قوسپانى قولدانار الدىندا قۇرامىن، قاپتاماسىن جانە ءوندىرۋشى ورىننىڭ بۇكىل اقپاراتىن مۇقيات زەردەلەۋدى ۇسىنامىز»، - دەيدى دوپينگكە قارسى ۇلتتىق ورتالىق باسشىسى.

Майра Бақашева
Фото: Kazinform

سونىمەن قاتار مايرا باقاشيەۆا سپورتشىلاردان دوپينگ سىناماسى قالاي الىناتىنىن دا جاسىرماي ايتتى.

«سپورتشىنىڭ سىناماسىنداعى دوپينگتى انىقتايتىن تالداۋدى د د ق ا اككرەديتتەگەن تاۋەلسىز زەرتحانالار جۇرگىزەدى. وڭ ناتيجە انىقتالسا، قاز د ق ۇ و حابارلاما الادى، سىناقتىڭ وڭ ناتيجەسى تۋرالى سپورتشى مەن فەدەراتسياعا حابارلايدى جانە تىيىم سالىنعان زاتتىڭ سپورتشىنىڭ دەنەسىنە قالاي تۇسكەنىن انىقتاۋ ءۇشىن تەرگەۋ پروتسەسىن باستايدى. بۇكىل پروتسەستەر حالىقارالىق كودقا جانە حالىقارالىق WADA ستاندارتتارىنا سايكەس جۇزەگە اسادى»، - دەدى ول.

ەستەرىڭىزگە سالا كەتەيىك، XXXIII جازعى وليمپيادا ويىندارى 26- شىلدە مەن 11- تامىز ارالىعىندا وتەدى.

اۆتور كۇنسۇلتان وتارباي

سوڭعى جاڭالىقتار