دونالد ترامپتىڭ ۇلىقتاۋ راسىمىنە كىمدەر بارادى
استانا. KAZINFORM - جاڭادان سايلانعان پرەزيدەنت دونالد ترامپ ءوزىنىڭ ۇلىقتاۋ راسىمىنە شەتەلدىك مەملەكەت باسشىلارىن شاقىرعان العاشقى ا ق ش باسشىسى بولدى. وسى ورايدا ونىڭ ءداستۇردى نەلىكتەن بۇزعانى جايىندا جانە سالتاناتتى شاراعا كىمدەر كەلەتىنى جونىندە Kazinform-نىڭ مەنشىكتى ءتىلشىسى جاۋاپ ىزدەپ كوردى.
2025 -جىلدىڭ 20- قاڭتارىندا دونالد ترامپ امەريكا قۇراما شتاتتارىنىڭ 47- پرەزيدەنتى بولادى.
ۇلىقتاۋ ءراسىمى 1981-جىلدان بەرى كاپيتوليي عيماراتىندا ءوتىپ كەلەدى، ونى ا ق ش- تىڭ بارلىق جاڭالىقتار ارنالارىندا جانە الەۋمەتتىك جەلىلەردە تىكەلەي ەفيردە كورۋگە بولادى. سالتاناتتى شاراعا ءبىرقاتار ساياساتكەر، سونىڭ اراسىندا شەتەلدىكتەر دە قاتىسادى.
بىلتىر جەلتوقسان ايىندا دونالد ترامپ ق حر ءتوراعاسى شي جينپيڭدى ۇلىقتاۋ راسىمىنە شاقىرعانى ءمالىم بولدى.
بۇعان دەيىن ساراپشىلار قىتاي باسشىسى شي جينپيڭ يناۋگۋراتسياعا قاتىسپاۋى مۇمكىن دەگەن پايىم ايتتى.
CNN ءنىڭ حابارلاۋىنشا، سالتاناتتى شاراعا قىتاي باسشىسىنىڭ ورنىنا ق ح ر- ءدىڭ جوعارى لاۋازىمدى تۇلعالارىنان قۇرالعان دەلەگاتسيا كەلەدى.
CBS News اقپاراتىنا قاراعاندا، ارگەنتينا پرەزيدەنتى حاۆەر ميلەي ا ق ش- تىڭ جاڭادان سايلانعان پرەزيدەنتى ترامپتىڭ ۇلىقتاۋ راسىمىنە قاتىسۋدى جوسپارلاپ وتىر.
د. ترامپتىڭ جاقىن وداقتاستارى سالۆادور پرەزيدەنتى ناييب بۋكەلە مەن يتاليا پرەمەر- ءمينيسترى دجوردجي مەلونيگە شاقىرتۋلار جىبەرىلگەنى بەلگىلى. امەريكالىق تاراپ ماجارستان پرەمەر- ءمينيسترى ۆيكتور وربانعا دا شاقىرۋ جولدادى.
بۇل رەتتە، رەسەي پرەزيدەنتى ۆلاديمير ءپۋتيننىڭ بارۋى قاراستىرىلماعان. كرەمل اقش كوشباسشىنىڭ انت بەرۋ راسىمىنە شاقىرتۋ الماعانىن راستادى، دەپ حابارلايدى Sky News.
Associated Press ءتىڭ حابارلاۋىنشا، دونالد ترامپ ۋكراينا باسشىسىنىڭ دا شاقىرىلماعانىن ايتتى.
«ءبىراق ول كەلگىسى كەلسە، مەن ونىڭ ۇلىقتاۋ راسىمىندە بولعانىن قالايمىن»، - دەپ جاۋاپ بەرگەن.
كوننەكتيكۋت مەملەكەتتىك ۋنيۆەرسيتەتىنىڭ تاريحشىسى توماس بالتسەرسكي ۇلىقتاۋ راسىمىنە بىرنەشە شەتەلدىك كوشباسشىنىڭ كەلۋى وقيعاسى ا ق ش- تىڭ بۇرىننان كەلە جاتقان داستۇرىندە بولماعان جاعداي ەكەنىن اتاپ ءوتتى.
بۇرىندارى شەتەل باسشىلارىنا اقش- تاعى ۇلىقتاۋ ءىس- شارالارىنا قاتىسۋعا تىيىم سالىنعان بولاتىن. مىسالى، 2009 -جىلى جاڭادان سايلانعان پرەزيدەنت باراك وبامانىڭ يناۋگۋراتسياسىنىڭ الدىندا اقش مەملەكەتتىك دەپارتامەنتى ەلشىلىكتەرگە حات جولداعان ەدى. وندا «بۇرىنعىداي بۇل ءىس- شارا اياسىندا ۆاشينگتونعا شەتەلدىك دەلەگاتسيالار شاقىرىلمايدى» دەپ اتالىپ وتكەن.
تاريحشى بۇعان ءبىرقاتار سەبەپ بار ەكەنىن ءتۇسىندىرىپ وتىر. بىرىنشىدەن، شەتەلدىك مەملەكەت باسشىسىنىڭ ا ق ش- قا ساپارىن ۇيىمداستىرۋ جۇمىستارى كوپ ۋاقىتتى قاجەت ەتەدى. بۇل تۇرعىدا ساياسي ماسەلەنى دە ەسكەرۋ كەرەك. ياعني، شەتەلدىك مەملەكەت باسشىسىنىڭ ساپارى، ادەتتە، سالتاناتتى قابىلداۋ ءىس- شارالارىن قامتۋى ءتيىس. ونىڭ اياسىندا بىرلەسكەن باسپا ءسوز ءماسليحاتى مەن مەملەكەتتىك دەڭگەيدە كەشكى اس ۇيىمداستىرىلادى.
دەگەنمەن، ا ق ش جاعىنىڭ بۇرىننان كەلە جاتقان ءتارتىپتى ەلەمەۋى جاڭا ديپلوماتيالىق ءداۋىردىڭ باستالعانىن اڭعارتادى. شەتەلدىك كوشباسشىلاردىڭ قاتىسۋ ماسەلەسى ءالى دە كۇردەلى جانە ناقتى ءمان- جايى حابارلانبادى، ءبىراق قوناقتار اراسىندا قازىرگى ا ق ش پرەزيدەنتى دە بولاتىنى بەلگىلى.
اق ءۇي قاراشا ايىنىڭ سوڭىندا پرەزيدەنت دجو بايدەن مەن ءبىرىنشى حانىم دجيل بايدەن ا ق ش- تىڭ جاڭا پرەزيدەنتىنىڭ يناۋگۋراتسياسىنا قاتىساتىنىن راستادى.
سونداي- اق كونگرەسس، جوعارعى سوت مۇشەلەرى، ا ق ش- تىڭ جوعارى لاۋازىمدى اسكەريلەرى، بۇرىنعى پرەزيدەنتتەر مەن ۆيتسە- پرەزيدەنتتەر، ا ق ش- تىڭ ەڭ جوعارى اسكەري ناگراداسىن العاندار، سونداي- اق ترامپتىڭ وتباسى مۇشەلەرى قاتىسادى.
بۇل رەتتە سول كۇنى تۇرعىندار شەرۋگە شىعۋى مۇمكىن ەكەنىن جوققا شىعارۋعا بولمايدى. ماسەلەن، 2017 -جىلى دونالد ترامپتىڭ العاشقى ۇلىقتاۋ ءراسىمى كەزىندە اقش- تىڭ تۇكپىر- تۇكپىرىندە نارازىلىق اكتسيالارى ءوتىپ، وعان كەيبىر مالىمەتتەر بويىنشا 4 ميلليوننان استام ادام قاتىسقان.
ەسكە سالساق، 5 - قاراشادا وتكەن سايلاۋدا رەسپۋبليكالىق پارتيا جەتەكشىسى دونالد ترامپ جەڭىسكە جەتتى.
