دونالد ترامپ نيۋ-يوركتەگى الاياقتىق ءىسى بويىنشا 175 ميلليون دوللار تولەدى

Дональд Трамп
Фото: rawpixel.com.

استانا. KAZINFORM – ا ق ش- تىڭ بۇرىنعى پرەزيدەنتى دونالد ترامپ نيۋ-يوركتەگى الاياقتىق ءىسى بويىنشا كەپىلگە 175 ميلليون دوللار تولەدى. ول بۇل سومانى تولەمەگەن جاعدايدا، اكتيۆتەرى تاركىلەنۋشى ەدى، دەپ جازادى BBC.

بۇعان دەيىن نيۋ-يورك سوتى ترامپتىڭ كەپىل اقىسىن 464 ميلليون دوللار دەپ بەلگىلەگەن، ءبىراق اپپەلياتسيا ناتيجەسىندە ول ايتارلىقتاي قىسقاردى.

اقپان ايىندا سوت ترامپتى قارجىلىق الاياقتىق جاساعانى ءۇشىن كىنالى دەپ تاپتى. سوت شەشىمىندە ەكس-پرەزيدەنتتىڭ بانكتەردى جاڭىلىستىرۋ جانە نەسيە شارتتارىن جاقسارتۋ ءۇشىن ون جىل بويى بايلىعىن اسىرا كورسەتكەنى ايتىلعان.

رەسپۋبليكالىق پارتيادان قايتادان اقۇيگە ۇمىتكەر ترامپ بارلىق ايىپتاردى نەگىزسىز جانە ساياسي سەبەپتەرى بار، دەپ ءتۇسىندىردى.

ترامپ سوت شەشىمىنە قارسى اپەللياتسيالىق شاعىم تۇسىرگەن، شاعىم قابىلدانباعان جاعدايدا ەكس-پرەزيدەنت 464 ميلليوندى تولىعىمەن تولەۋى كەرەك. بۇعان دەيىن ترامپتىڭ ادۆوكاتتارى ونىڭ سالىق تولەۋ ءۇشىن مۇنداي سومانى تابا المايتىنىن ايتقان بولاتىن.

ەگەر ترامپ 175 ميلليون دوللارلىق كەپىلدى تولەمەسە، ونىڭ بارلىق مۇلكى، سونىڭ ىشىندە مانحەتتەندەگى ءزاۋلىم ءۇيى مەن فلوريداداعى مار-ا-لاگو جەرى تاركىلەنۋ قاۋپىنە ۇشىراۋى مۇمكىن ەدى.

سونىمەن قاتار، ترامپ جازۋشى دجين كەرروللعا جالا جاپقانى ءۇشىن كىنالى دەپ تانىلعان تاعى ءبىر ءىس بويىنشا 91 ميلليون دوللار تولەۋگە ءماجبۇر بولدى.

Forbes جۋرنالىنىڭ ەسەپتەۋىنشە، ترامپتىڭ تازا بايلىعى 5,7 ميلليارد دوللاردى قۇرايدى - ول ەكس-پرەزيدەنت ءوزىنىڭ Truth Social الەۋمەتتىك جەلىسىنىڭ اكسيالارىن بيرجاعا ورنالاستىرعاننان كەيىن كۇرت ءوستى.

الايدا ترامپ بۇعان دەيىن قولىنداعى قولما-قول اقشانىڭ كولەمى 400-500 ميلليون دوللاردى قۇرايتىنىن ايتقان.

نيۋ-يوركتەگى ازاماتتىق الاياقتىق ءىس اق ءۇيدىڭ بۇرىنعى باسشىسىنا قارسى قوزعالعان بىرنەشە ىستەردىڭ ءبىرى عانا.

15-ساۋىردە مانحەتتەندە ونىڭ قىلمىستىق ىستەرىنىڭ ءبىرى - 2016-جىلعى پرەزيدەنتتىك سايلاۋ قارساڭىنداعى پورنوجۇلدىز ستورمي دەنيەلسكە قاتىستى تولەمدەر بويىنشا ءبىرىنشى تىڭداۋ باستالادى.

سونداي-اق ترامپقا ۆاشينگتوندا بۇلىك جاساماق بولدى، دجوردجياداعى پرەزيدەنت سايلاۋىنىڭ ناتيجەلەرىن جويدى جانە پرەزيدەنت قىزمەتىن اتقارعان كەزدە قۇپيا قۇجاتتاردى ساقتاۋ ەرەجەسىن بۇزدى، دەگەن ايىپتار تاعىلدى.

سوڭعى جاڭالىقتار