15:26, 31 - قاڭتار 2024 | GMT +5
دونالد ترامپ نوبەل سىيلىعىنا ۇسىنىلدى
ا ق ش- تىڭ بۇرىنعى پرەزيدەنتى دونالد ترامپ نوبەل سىيلىعىنا ۇسىنىلدى. ونى بۇل ماراپاتقا ا ق ش وكىلدەر پالاتاسىنىڭ مۇشەسى كلوديا تەنني (نيۋ-يوركتەن كەلگەن رەسپۋبليكاشىل) ۇسىندى، دەپ حابارلايدى Fox news سايتى.
ترامپقا سىيلىقتى «اۆراام كەلىسىمدەرىنە» - يزرايل مەن ب ا ءا جانە باحرەين اراسىنداعى قارىم-قاتىناستى قالپىنا كەلتىرۋ جونىندەگى قۇجاتقا قول قويۋعا كومەكتەسكەنى ءۇشىن بەرۋ ۇسىنىلدى.
ترامپ بۇعان دەيىن جوعارىدا اتالعان ماراپاتقا ءۇش رەت ۇسىنىلدى، ونىڭ ىشىندە اۆراام كەلىسىمدەرىنە قول جەتكىزۋگە قوسقان ۇلەسى ءۇشىن.
بەيبىتشىلىك سالاسىنداعى نوبەل سىيلىعى قازان ايىندا جاريالانادى.
