دومبىرا مەن كيىز ءۇيدى قازاق ۇلتىنىڭ ەنشىسىنە پاتەنتتەۋ مۇمكىن ەمەس - ادىلەت مينيسترلىگى

Наурыз праздник Наурыз мейрамы юрта киіз үй
Фото: Kazinform

استانا. KAZINFORM - ادىلەت مينيسترلىگىنىڭ رەسمي وكىلى تالعات ءۋالي ۆەدومستۆونىڭ كەزەكتى باسپا ءسوز ءماسليحاتىندا ۇلتتىق ونىمدەردى پاتەنتتەۋدىڭ ءتارتىبىن ءتۇسىندىردى.

«كوپتەگەن ارىپتەسىمىز وسى جەردە شاتاستىرىپ جاتادى. مىسالى، «دومبىرا تۇبەگەيلى قازاقتىكى»، «كيىز ءۇي تۇبەگەيلى قازاقتىكى» دەگەن سياقتى پاتەنت نەگە المايمىز دەپ جاتادى. بۇل - ءسوزبۇيداعا سالىناتىن ماسەلە»، - دەدى ول.

رەسمي وكىلى ءدال قازاقتىكىندەي كيىز ءۇي، مۋزىكالىق اسپاپتار وزگە دە ەلدەردە بولۋى مۇمكىن ەكەنىن ايتادى.

«سول سەبەپتى ءبىز ءبىر بۇيىمدى نە بولماسا ۇلتتىق ءونىمدى، مىسالى ىرىمشىكتى باسىبايلى بىزدىكى دەپ پاتەنتتەي المايمىز. سەبەبى ول وزگە دە ەلدەردە بار دۇنيە. ال، ونىڭ جاسالۋ تەحنولوگياسىندا قانداي دا ءبىر جاڭاشىلدىقتار بولسا، ونى، ارينە، وزىمىزدىكى قازاقستاندىق ونەرتاپقىشتاردىڭ ەنشىسىنە پاتەنتتەپ بەرە الامىز»، - دەدى تالعات ءۋالي.

سوڭعى جاڭالىقتار