دوللار مەن رۋبلدىڭ بۇگىنگى باعامى قانداي

استانا. KAZINFORM - استانا مەن الماتى قالالارىنداعى اقشا ايىرباستاۋ پۋنكتتەرىندە دوللار 445-447,7 تەڭگەدەن ساۋدالانىپ جاتىر.

ۇلتتىق بانكتىڭ 5-ساۋىردەگى رەسمي باعامى - 1 دوللارعا 446.49 تەڭگە.

رەسەي رۋبلىنىڭ ورتاشا سارالانعان باعامى 4,75 تەڭگە بولدى.

Kurs.kz مالىمەتى بويىنشا، استاناداعى ۆاليۋتا ايىرباستاۋ ورىندارىندا 1 دوللار 445-447,7 تەڭگەدەن ساتىلىپ جاتىر.

ال، الماتىدا دوللار 447.7-449.2 تەڭگە ارالىعىندا قۇبىلىپ تۇر.

ءدال قازىرگى ۋاقىتتا اقشا ايىرباستاۋ ورىندارىندا رەسەي ۆاليۋتاسى 4,75-4,9 ارالىعىندا ساۋدالانىپ جاتىر.

ەسكە سالايىق، ناۋرىز ايىنىڭ قورىتىندىسى بويىنشا، تەڭگە باعامى %0,9 عا نىعايىپ، 1 ا ق ش دوللارى 446,77 تەڭگەگە دەيىن قالىپتاستى. قازاقستان قور بيرجاسىندا ساۋدا-ساتتىقتىڭ ورتاشا كۇندىك كولەمى ءبىر ايدا 187 ميللون ا ق ش دوللارىنان 225 ميللون ا ق ش دوللارىنا دەيىن ۇلعايدى. ساۋدا-ساتتىقتىڭ جالپى كولەمى 3,8 ميلليارد ا ق ش دوللارىن قۇرادى.

بۇعان دەيىن ساۋىردە ۇلتتىق بانك ۇلتتىق قوردان 1,1 ميلليارد ا ق ش دوللارىنا دەيىنگى مولشەردە ۆاليۋتا ساتۋدى كوزدەيتىنىن جازعان ەدىك.