دەپۋتاتتار ونەركاسىپ ءمينيسترىن سىنعا الدى

استانا. KAZINFORM - بۇگىن پارلامەنت ماجىلىسىندە ونەركاسىپتىك ساياسات تاقىرىبىن تالقىلاۋعا ارنالعان ۇكىمەت ساعاتىندا دەپۋتاتتار ونەركاسىپ جانە قۇرىلىس ءمينيسترى قانات شارلاپايەۆتى سىنعا الدى.

اتاپ ايتقاندا، ءماجىلىس دەپۋتاتى باقىتجان بازاربەك ونەركاسىپ ءمينيسترىنىڭ (قانات شارلاپايەۆتىڭ) جاۋاپكەرشىلىگى ماسەلەسىن كوتەرۋدى سۇرادى. ول پارلامەنت ماجىلىسىندەگى بۇگىنگى ۇكىمەت ساعاتىندا دەپۋتاتتاردىڭ ساۋالىنا ءتيىستى دەڭگەيدە ارەكەت ەتپەگەن.

«ءسىز پارلامەنتكە دەپۋتاتتاردىڭ الدىندا ەسەپ بەرۋگە كەلدىڭىز. سوندىقتان سۇراقتارعا جاۋاپ بەرىڭىز»، - دەدى ب. بازاربەك مينيسترگە قاراتا ايتقان سوزىندە.

سونىمەن قاتار ارىپتەسىنىڭ ءسوزىن ءماجىلىس دەپۋتاتى مۇرات ابەنوۆ تە قولدادى.

«بۇگىن 5 سۇراق قويسام دا، ەشقايسىنا جاۋاپ المادىم. بۇگىن مينيستر نە ءۇشىن كەلدى؟! ۇكىمەت ساعاتىندا پروبلەمانى ورتاعا سالىپ، شىندىقتى ايتۋى كەرەك. بىلتىر 170 جوبا ىسكە اسىرىلىپ، زاۋىتتار جۇمىسىن باستاۋى كەرەك ەدى. سەگىزى عانا اكت بويىنشا ىسكە قوسىلدى. بۇگىن سونىڭ جاۋابىن العىمىز كەلدى، ءبىراق اقپارات بولمادى. سەبەپتەرى مەن پروبلەمالارى قانداي؟ كىمدى جاۋاپقا تارتامىز؟ مينيسترلەر الدىمىزدا تۇرىپ، جالعان اقپارات بەرىپ تۇر. قارجى تۋرالى ءبىر ەسەپ بەرمەدى... جالپى، بۇگىن 2 ساعات ۋاقىتىمدى بوسقا جۇمسادىم ەسەپتەيمىن، ياعني پايدالى اقپارات المادىم»، - دەدى م. ابەنوۆ.

اۆتور
رۋسلان عابباسوۆ