دەپۋتاتتار قانداي كىتاپ وقيدى - پارلامەنت كىتاپحاناسى مامانىمەن سۇحبات
تاريحشى ماماندىعىن العان ءادىلحان فايزۋللين سوڭعى 15 جىلدا پارلامەنت كىتاپحاناسىندا كىتاپحاناشى بولىپ جۇمىس ىستەيدى. ول Kazinform تىلشىسىنە بەرگەن سۇحباتىندا جۇمىسى تۋرالى ەگجەي-تەگجەيلى ايتىپ بەردى.
«پارلامەنت كىتاپحاناسىندا جۇمىس ىستەۋ ءۇشىن امبەباپ مامان عانا ەمەس، سونىمەن بىرگە وي-ءورىستىڭ دە جان-جاقتى بولۋى ءتيىس. كەلۋشىلەرگە بىلىكتى قىزمەت كورسەتۋ ءۇشىن ساياساتتان دا، ەكووميكادان دا، زاڭنامادان دا حاباردار بولۋىڭ قاجەت. ءار كەلۋشى وزىنە كەرەكتى تاقىرىپقا قاتىستى ماتەريالدار سۇراپ، جىلدام قىزمەت الۋدى قالايدى»، - دەدى «ماتەريالدىق-تەحنيكالىق قامتاماسىز ەتۋ باسقارماسىنىڭ اكىمشىلىك عيماراتتار ديرەكتسياسى» رمك كىتاپحاناشىسى.
ايتا كەتەرلىگى، ءادىلحان بۇل جۇمىسقا توسىننان كەلگەن ەدى.
«اباي اتىنداعى الماتى مەملەكەتتىك ۋنيۆەرسيتەتىنىڭ تاريح فاكۋلتەتىن بىتىرگەننەن كەيىن ۇلتتىق اكادەميالىق كىتاپحاناعا جۇمىسقا تۇردىم. كەيىنىرەك پارلامەنت كىتاپحاناسىندا بوس جۇمىس ورنى بار ەكەنىن كورىپ، باعىمدى سىناپ كورۋگە بەل بۋدىم. وسىلايشا، جۇمىسقا قابىلداندىم. ونىڭ الدىندا كىتاحاناشى بولامىن دەپ ەش ۋاقىتتا ويلاپ كورمەگەن ەدىم. بۇگىندە جۇمىسىم وزىمە ۇنايدى»، - دەدى ءا. فايزۋللين.
پارلامەنت كىتاپحاناسىنىڭ تاريحى 1987-جىلدان، قازاق ك س ر جوعارعى كەڭەسىنىڭ اقپاراتتىق-ساراپتامالىق بولىمىنەن باستالادى. قازىرگى ۋاقىتتا كىتاپحاناداعى كىتاپتار مەن جۋرنالدار سانى ەسەلەپ ارتقان. كىتاپ قورى دا ۇنەمى تولىقتىرىلىپ وتىرادى.
«پارلامەنتتىك كىتاپحانا مامانداندىرىلعان، پارلامەنت ءماجىلىسى مەن سەناتى دەپۋتاتتارىن جانە اپپارات قىزمەتكەرلەرىن اقپاراتتىق قولداۋ ءۇشىن قۇرىلعان. كىتاپ قورىنىڭ نەگىزگى بولىگى قۇقىق، الەۋمەتتىك بلوك، ەكونوميكالىق باسىلىمدار. ەنتسيكلوپەديالىق جانە عىلىمي باسىلىمدار دا كوپ. قازىرگى ساتتە كىتاپ قورى شامامەن 50 مىڭ دانا بولسا، ونىڭ 30 مىڭى - كىتاپ، ال 20 مىڭى - مەرزىمدى باسىلىمدار»، - دەدى كىتاپحاناشى.
كىتاپحانا قىزمەتكەرلەرى وقىرماندارمەن جۇمىس ىستەپ، جۋرنالدارعا جازىلۋدى ۇيىمداستىرۋدان بولەك ەڭ قىزىقتى عىلىمي ماقالالاردى سكانەرلەپ، ولاردى ەلەكتروندى دەرەكتەر بازاسىنا ەنگىزەدى. زاڭشىعارماشىلىق جۇمىسى بارىسىندا دەپۋتاتتارعا اسا قاجەتتى تانىمال باسىلىمدار دا ەلەكتروندى فورماتقا كوشىرىلگەن.
ءادىلحان دەپۋتاتتاردىڭ كىتاپحاناعا وتە ءجيى كەلەتىنىن ايتادى.
«ماجىلىسمەندەر وزدەرىنىڭ جۇمىس اياسىندا قازاقستاننىڭ زاڭنامالىق نورمالارىنىڭ جوبالارىن شەتەلدىك زاڭنامالارمەن ءجيى سالىستىرمالى ساراپتاما جاساپ وتىرادى. ءبىراق اۋدارما ەرەكشەلىكتەرىنە بايلانىستى شەتەلدىك بارلىق زاڭنىڭ اۋدارماسى قولجەتىمدى ەمەس. ءبىز كىتاپحاناشى رەتىندە كومەكتەسۋگە تىرىسىپ، تمد ەلدەرىنىڭ زاڭناما بازاسىنان ۇقساس نورمالاردى تاۋىپ بەرەمىز»، - دەدى ءا. فايزۋللين.
ونىڭ اتاپ وتۋىنشە، زاڭنامالىق قۇقىق، قۇقىقتانۋ، الەۋمەتتىك بلوكقا قاتىستى ادەبيەتكە سۇرانىس وتە جوعارى.
«وقىرماندارىمىزعا جان- جاقتى كومەك كورسەتۋگە تىرىسامىز. باسپالارمەن جۇمىس ىستەپ، ولاردىڭ جاڭا كىتاپتارىنىڭ ىشىنەن قىزىقتىراتىن باسىلىمداردى ساتىپ الامىز. بۇدان بولەك، بىزگە اۆتورلار دا ءجيى كەلىپ، كىتاپتارىن تانىستىرىپ، تارتۋ ەتىپ كەتەدى. تاياۋدا عانا ءماشھۇر ءجۇسىپ كوپەيەۆتىڭ كىتابى تانىستىرىلدى. ونىڭ ۇرپاقتارى كىتاپحاناعا ويشىلدىڭ شىعارمالارىنىڭ تولىق جيناعىن تارتۋ ەتتى»، - دەدى مامان.
كىتاپ قورىن وزەكتەندىرۋ پروتسەسى بىلاي ءوربيدى: پارلامەنت دەپۋتاتتارى مەن اپپارات قىزمەتكەرلەرىنىڭ پوشتاسىنا ساۋالناما جىبەرىلىپ، وندا ولار وزدەرىنە قانداي ادەبيەت قاجەت ەكەنىن كورسەتەدى. مۇنان كەيىن ءتىزىمدى كىتاپحانا قىزمەتكەرلەرى قاراپ شىعادى دا، باسپالاردىڭ اراسىنان قاجەتتى كىتاپتاردى ىرىكتەپ الادى.
كىتاپحانا ۇجىمى زامان كوشىنەن قالىپ قويماۋعا تىرىسادى. وقىرماندارىنا ىڭعايلى بولۋى ءۇشىن كىتاپتى قاشىقتان دا تاپسىرىس بەرۋ مۇمكىندىگىن ىسكە قوسقان.
«بىزدە ەلەكتروندى كاتالوگ بار. پارلامەنت دەپۋتاتتارى مەن اپپارات قىزمەتكەرلەرىنىڭ قاي-قايسىنىڭ دا جۇمىس كومپيۋتەرىندە ءبىزدىڭ «ەلەكتروندى كىتاپحانامىز» بار. بىزدە قانداي كىتاپتاردىڭ بار ەكەندىگىن قاراپ، اۆتورى، تاقىرىبى، كىلت ءسوز، ناقتى اتاۋى بويىنشا تاڭداۋ جاساۋعا بولادى. ەگەر ماسەلە تۋىندايتىن بولسا، وندا ىسكە ءبىز ارالاسامىز. ءبىراق كىتاپحانامىز بوس بولمايتىنىن، وقىرماندارىمىزدىڭ بىزگە كەلگەندى جاقسى كورەتىندىگىن اتاپ وتكىم كەلەدى»، - دەدى ءا. فايزۋللين.
سونىمەن قاتار ول پارلامەنت كىتاپحاناسى ۇلتتىق اكادەميالىق كىتاپحانامەن، قاز م ز ۋ جانە ە ۇ ۋ كىتاپحانالارمەن جان-جاقتى ىنتىماقتاستىقتى جولعا قويعانىن ايتادى. سونىڭ ارقاسىندا وزدەرىندە جوق كىتاپتاردا ولاردان بەلگىلى ءبىر ۋاقىتقا الا تۇرۋعا دا مۇمكىندىكتەرى بار. ياعني، كىتاپحانالار اراسىندا ءوزارا كىتاپ الماسۋ جاقسى جولعا قويىلعان.
پارلامەنت كىتاپحاناسى زاماناۋي كوۆوركينگ ورتالىقپەن جابدىقتالعان. وندا ءتۇرلى ءىس-شارالار، ءتىپتى پارلامەنتتىك تىڭداۋلار دا ءوتىپ تۇرادى. كىتاپحانا ينتەرەرىن جۋرناليستەر دە جاقسى كورەدى. ولار اتالعان ورتالىقتارعا سۇحباتتار جازىپ الىپ جاتادى.
كىتاپحاناشى ءوزى جۇمىسىنىڭ ارتىقشىلىعى رەتىندە اقپاراتتىڭ مول لەگىن، جاڭا الەمدىك ساراپتامالاردان حاباردار بولۋ، جاڭا عىلىمي ادەبيەتتەرمەن تانىس بولۋ مۇمكىندىگىن اتادى.
«كىتاپحانا - بۇل مەنىڭ جۇمىسىم بولعاندىعىنا قاراماستان كىتاپ وقىعاندى وتە جاقسى كورەمىن. بۇل جەردە جۇمىسقا قاتىستى اقپاراتتاردى، ال ۇيدە ادەبي كىتاپتاردى وقيمىن. سوڭعى ۋاقىتتا عىلىمي-تانىمدىق جانە تاريحي ادەبيەتتەرگە كوڭىل ءبولىپ ءجۇرمىن. دەگەنمەن بۇرىنىراق فانتاستيكالىق شىعارمالار ۇنايتىن»، - دەدى ءادىلحان.
