دەپۋتاتتار جايىلىم تۋرالى زاڭدى قارايدى
استانا. KAZINFORM - سەنات سپيكەرى ماۋلەن اشىمبايەۆ پالاتا بيۋروسىنىڭ وتىرىسىن وتكىزدى. وندا دەپۋتاتتار 15-اقپان كۇنى بولاتىن سەنات وتىرىسىنىڭ كۇن ءتارتىبىن تالقىلاپ، بەكىتتى.
سوعان سايكەس الداعى بەيسەنبىدە سەناتورلار «ق ر كەيبىر زاڭنامالىق اكتىلەرىنە جايىلىمداردى پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قارايدى. ول جايىلىمداردى باسقارۋ جانە پايدالانۋ سالاسىنداعى قولدانىستاعى زاڭنامانى جەتىلدىرۋدى كوزدەيدى.
اتاپ ايتقاندا، دەپۋتاتتار باستاماشى بولعان زاڭدا حالىقتىڭ قاجەتتىلىگىنە ارنالعان جايىلىمدىق جەرلەردى اۋىل شارۋاشىلىعى القاپتارىنىڭ باسقا تۇرلەرىنە اۋىستىرۋعا تىيىم سالاتىن نورمالار قاراستىرىلعان.
سونىمەن قاتار پالاتا وتىرىسىندا سەناتورلاردىڭ «قازاقستان تەمىر جولى» ۇلتتىق كومپانياسى» اكتسيونەرلىك قوعامىنىڭ قىزمەتى تۋرالى دەپۋتاتتىق ساۋالى بويىنشا كولىك ءمينيسترى مارات قارابايەۆتىڭ اۋىزشا جاۋابى تىڭدالادى.
سەنات ءتوراعاسى مەملەكەت باسشىسى ۇكىمەتتىڭ كەڭەيتىلگەن وتىرىسىندا ەلىمىزدىڭ كولىك- لوگيستيكالىق الەۋەتىن ارتتىرۋ ستراتەگيالىق مىندەت دەپ بەلگىلەپ بەرگەنىن اتاپ ءوتتى. وسىعان بايلانىستى پالاتا وتىرىسىندا ازاماتتار مەن كاسىپكەرلەر ءجيى كوتەرىپ جۇرگەن جولاۋشىلار تاسىمالى، جۇك تاسىمالى، تاريفتىك ساياسات جانە تاعى باسقا ماڭىزدى ماسەلەلەرگە باسا ءمان بەرىلەدى.
