دەپۋتات سولتۇستىك ءوڭىر تۇرعىندارىنا ارنايى ۇستەماقى تولەۋدى ۇسىندى
استانا. KAZINFORM - ءماجىلىس دەپۋتاتى دميتري كولودا ەلىمىزدىڭ سولتۇستىك ءوڭىر تۇرعىندارىنىڭ ءال- اۋقاتىنا الاڭداۋشىلىق تانىتتى.
«كليماتتىق جاعداي، الەۋمەتتىك، كوممۋنالدىق جانە جول ينفراقۇرىلىمىنىڭ ءماز ەمەستىگى ايماقتا ءومىر سۇرۋگە تارتىمسىز. مىسالى، جىلىتۋ ماۋسىمى 7 ايدان استام ۋاقىتقا سوزىلادى. جاز، قىستا ەگىنشىلىك پەن مال شارۋاشىلىعىن دوڭگەلەتۋدىڭ مۇمكىندىگى از، ال قىستا كوپ جەمشوپ قورىن قاجەت ەتەدى. ەلىمىزدىڭ سولتۇستىگى گازبەن از قامتىلعان، سونىمەن قاتار حالىقتى اۋىز سۋمەن قامتۋ كورسەتكىشتەرى وتە تومەن جانە ەڭ ناشار جولدار وسى وڭىرلەردە. مۇنىڭ ءبارى قولايلى ءومىر قۇرۋ ءۇشىن ۇلكەن شىعىندى تالاپ ەتەدى جانە ورتاشا جالاقى ەل بويىنشا كورسەتكىشتەن تومەن»، - دەدى دميتري كولودا دەپۋتاتتىق ساۋالىن ق ر پرەمەر-ءمينيستردىڭ ءبىرىنشى ورىنباسارى ر. سكليارعا جولداي وتىرىپ.
حالىق قالاۋلىسىنىڭ ايتۋىنشا، سولتۇستىك ايماقتاردا حالىق سانىنىڭ ازايۋى بايقالدى.
«كادر تاپشىلىعى پروبلەماسى ۇشىعىپ بارادى، ناتيجەسىندە حالىقتىڭ ساپالى قىزمەتتەرگە قولجەتىمدىلىگى تومەندەيدى. سونىمەن قاتار شەكارالاس ايماقتاردا حالىق سانىنىڭ ازايۋى ۇلتتىق قاۋىپسىزدىك ءۇشىن دە الاڭداتارلىق فاكتور. مەملەكەت باسشىسى سولتۇستىك قازاقستان حالقىنىڭ ازايۋىنا الاڭداۋشىلىق ءبىلدىرىپ، وڭىرلىك تەڭگەرىمسىزدىكتەردى تومەندەتۋ مىندەتىن قويدى. بۇل ماسەلەنىڭ شەشىمىن ەلىمىزدىڭ ەڭبەكقور وڭىرلەرىنەن قونىس اۋدارۋ باعدارلامالارىن ىسكە اسىرۋ ارقىلى عانا ەمەس، ءومىر ءسۇرۋ ءۇشىن لايىقتى جاعدايلاردى قامتاماسىز ەتۋدە قاجەت»، - دەيدى ول.
سونداي- اق، دەپۋتات حالىقارالىق تاجىريبە كورسەتكەندەي، كليماتتىق جاعدايى بىزگە ۇقساس ەلدەردە تۇرعىندار ءۇشىن قارجىلىق قولداۋدىڭ ءتۇرلى قۇرالدارى بارىن ايتتى. وسى ورايدا ەلىمىزدىڭ سولتۇستىكتەگى حالقى ءۇشىن ارنايى وڭىرلىك ۇستەمەاقى ەنگىزۋدى تىلگە تيەك ەتتى.
«سولتۇستىك وڭىرلەردىڭ ماسەلەلەرىن شەشۋدىڭ ەكىنشى فاكتورى - ايماقتى گازداندىرۋ. ۇكىمەتتىڭ كۇن تارتىبىندەگى ەلدىڭ سولتۇستىك ايماقتارىن گازداندىرۋ جوسپارىنا ۇزاق ۋاقىت بولدى، ءبىراق ماسەلە ءالى شەشىلگەن جوق. سونىمەن قاتار بۇل ماسەلەنى شەشۋدىڭ ناقتى كەستەسى جوق»، - دەيدى ول.
ءماجىلىس دەپۋتاتى دميتري كولودا سولتۇستىك وڭىرلەردىڭ ماسەلەسىن جەدەل شەشۋ ءۇشىن كەلەسى ۇسىنىستاردى العا تارتتى:
1. سولتۇستىك وڭىرلەردىڭ تۇرعىندارى ءۇشىن ارنايى وڭىرلىك ۇستەمەاقىنى ەسەپتەۋ باعدارلاماسى مەن ادىستەمەسىن ازىرلەۋدى ۇسىنامىز؛
2. جاس مامانداردى تارتۋ ءۇشىن كوەففيتسيەنتتەر ەسكەرىلسىن؛
3. زەينەتكەرلەر ءۇشىن وڭىرلىك ۇستەمەاقىنى ەسەپتەۋدى ەنگىزۋ مۇمكىندىگىن قاراستىرۋ؛
4. قازاقستاننىڭ سولتۇستىك وڭىرلەرىن گازداندىرۋ ماسەلەسىن شەشۋدى جەدەلدەتۋ.
