دەپۋتات ساۋساق ءىزىن تاپسىرماعاندارعا ايىپپۇل سالۋ باستاماسىن سىنعا الدى
ءماجىلىس دەپۋتاتى اسحات راحىمجانوۆ كەلەر جىلدان باستاپ قۇجات العاندا ساۋساق ءىزى تاڭباسىن الۋعا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
«ءار ازاماتتىڭ ساۋساق ءىزىن الاتىنداي، بىزدە نە، كونتسلاگەر بار ما؟» - دەپ سۇراق جولدادى دەپۋتات ءماجىلىس وتىرىسىندا.
ونىڭ پىكىرىنشە، ساۋساق ىزدەرىن الۋ حالىققا قىزمەت كورسەتۋ ورتالىقتارىندا كەزەكتەردىڭ پايدا بولۋىنا اكەلەدى.
سونىمەن قاتار حالىق قالاۋلىسى «پروتسەدۋراعا قاتىسۋدان باس تارتقانى ءۇشىن ايىپپۇل سالۋ دۇرىس پا؟» دەگەن ساۋالعا پىكىر ءبىلدىردى.
«مەنىڭ ويىمشا، مۇلدەم دۇرىس ەمەس جانە مۇمكىن ەمەس»، - دەدى اسحات راحىمجانوۆ.
سونداي-اق، دەپۋتات اتالعان ماسەلەنى ماجىلىستە قاراۋ جوسپاردا بارىن ايتتى.
ايتا كەتەيىك، وسىدان ەكى بۇرىن ىشكى ىستەر مينيسترلىگى 2024-جىلدىڭ 1- قاڭتارىنان باستاپ پاسپورت پەن جەكە كۋالىكتى راسىمدەۋ كەزىندە ازاماتتاردان ساۋساق ءىزى الىناتىنى تۋرالى حابارلاعان ەدى. داكتيلوسكوپيالىق تىركەۋ مىندەتتى بولماق.
