دەپۋتات ۇكىمەت وتستاۆكاسى جايلى: مينيسترلەر ءوز جۇمىسىن كورسەتە المادى

кенжеғұл сейітжан
Фото: депутаттың Instagram парақшасынан

 استانا. KAZINORM - ءماجىلىس دەپۋتاتى كەنجەعۇل سەيىتجان ۇكىمەت وتستاۆكاسىنا قاتىستى پىكىر ءبىلدىردى.

«ۇكىمەتتىڭ جۇمىسىن ايتار بولساق، ارىپتەستەرىممەن كەلىسەمىن. شىنىمەن دە جايباراقات وتىرعان مينيسترلەر مەن پرەمەر- مينيستر سياقتى. حالىقتىڭ ناعىز مۇڭ- مۇقتاجىن تىڭدايتىن مينيستر از. ولاردى ۇكىمەت باسشىسى تىڭداماي وتىر دەپ سانايمىن»،-دەدى ءماجىلىس دەپۋتاتى كەنجەعۇل سەيىتجان.

سونىمەن قاتار ول كەلەسى ۇكىمەت باسشىسى كىم بولۋ مۇمكىن ەكەنىنە ساۋەگەيلىك جاساي المايتىنىن باسا ايتتى.

«مۇمكىن جاڭا ادام كەلەر. سوندىقتان ايتا المايمىن. مەنىڭ وزىمە دە تاڭقالارلىق جاڭالىق بولدى. ۇكىمەت قاتەسىن تۇزەتىپ، جاقسى جۇمىس ىستەيدى، جاقسى- جاقسى ناتيجە كورسەتە مە دەپ ويلاعان ەدىم. ءبىزدىڭ كوميتەتتىڭ توتەنشە جاعدايلار، سۋ رەسۋرستارى مينيسترلەرىمەن جۇمىس ىستەگەنىنە كوپ بولا قويعان جوق. ال بۇرىننان وتىرعان مينيسترلەر جۇمىسىن كورسەتە المادى دەپ ويلايمىن»، - دەدى ول.

اۆتور

مارلان جيەمباي

سوڭعى جاڭالىقتار