دەپۋتات جيگۋلي دايرابايەۆ ەسىمىنىڭ ماعىناسىن ايتتى

استانا. قازاقپارات - ءماجىلىس دەپۋتاتى رۋسلان بەردەنوۆ دەپۋتات جيگۋلي دايرابايەۆ ەسىمىنىڭ ماعىناسىن سۇرادى.

«كولىك كەيىن 69-70 -جىلدارى شىقتى عوي. ەسىمىمدى مارقۇم اكەم قويىپ ەدى. قازىرگى سامارا قالاسىنىڭ ماڭىندا، رەسەيدە جيگۋلي دەگەن تاۋ بار. قازاقتار ىرىمشىل عوي. سىرانىڭ دا، كولىكتىڭ دە قاتىسى جوق. ىرىمداپ، سول تاۋداي بولسىن دەپ قويدى. اكەمە دە، ەسىمىمە دە راقمەت»، - دەدى ول.

ەسكە سالايىق، بۇعان دەيىن الەۋمەتتىك جەلىدە ءماجىلىس دەپۋتاتى جيگۋلي دايرابايەۆتىڭ قىزىق ۆيدەوسى تاراپ كەتكەن ەدى.

كادرلاردا دەپۋتات تەلەفونمەن سويلەسىپ وتىرعانداي كورىنەدى. ءبىر جەلى قولدانۋشىسى دەپۋتات دايرابايەۆ تەلەفون ارقىلى اۋديوحابارلاما جىبەرىپ جاتقانىن جازعان.

«جۇمىس بارىسىندا سىزدەرگە ۇقساپ، ءبىر جۋرناليسكە جايلاپ داۋىسىممەن جاۋاپ بەردىم. جۋرناليست پە، كورەيىنشى، قاراۋعا دا ۋاقىتىم بولعان جوق. ...جاۋاپ بەرمەي-اق قويايىن ول جونىندە»، - دەدى ول.

انىقتاما: جيگۋلي دايرابايەۆ - «اتامەكەن» ۇ ك پ ءتورالقاسى اگروونەركاسىپتىك كەشەن كوميتەتىنىڭ ءتوراعاسى جانە قازاقستان فەرمەرلەر قاۋىمداستىعىنىڭ ءتوراعاسى.