دەپۋتات بالالارعا قارجى اۋدارۋ تۋرالى: ءار وتباسى وزگەرىستى جىلى قابىلداپ جاتىر

Ақмарал Әлназарова
فوتو: kazgazeta.kz

استانا. KAZINFORM – ق ر پارلامەنتى سەنات دەپۋتاتى اقمارال ءالنازاروۆا «ۇلتتىق قور - بالالارعا!» جوباسىنىڭ ىسكە قوسىلۋىنا قاتىستى پىكىر ءبىلدىردى.

«وتكەن جىلى مەملەكەت باسشىسى قاسىم-جومارت توقايەۆ، الەۋمەتتىك مەملەكەت رەتىندە ەلىمىزدە حالىقتىڭ الەۋەتىن ارتتىرۋعا باسىمدىق بەرىپ، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ ۇلتتىق قورىنان بالالارعا ارنالعان قاراجاتتى ەسەپتەۋ، تولەۋ جانە پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا قول قويعان بولاتىن»، - دەپ جازدى اقمارال ءالنازاروۆا Facebook پاراقشاسىندا.

حالىق قالاۋلىسىنىڭ ايتۋىنشا، ۇلتتىق قوردىڭ جىل سايىنعى ينۆەستيسيالىق تابىسىنىڭ %50 بالالاردىڭ شوتىنا اۋدارىلا باستادى.

«حالىق قالاۋلىسى رەتىندە، ەلمەن ەتەنە بايلانىستامىز. تاڭەرتەڭنەن بەرى، قازاقستاندىق وتباسىلارىنىڭ، اسىرەسە، شالعايداعى ءاربىر وتباسىنىڭ وسى وزگەرىستەردى جىلى قابىلداپ جاتقانىن ەستىپ وتىرمىز. بولاشاققا دەگەن سەنىمدەرى ارتقان. جاسىراتىنى جوق، قازىرگى قوعام - ەلىمىزدەگى ءاربىر وزگەرىستى سول مەزەتتە سەزىنەدى. قازىر بيلىك پەن الەۋمەت اراسىندا شەكارا جوق»، - دەيدى ول.

سونداي-اق، دەپۋتات سەنات ءتوراعاسى ماۋلەن اشىمبايەۆ «ۇلتتىق قور - بالالارعا» جوباسىنىڭ ماقساتتارى تۋرالى ب ا ق وكىلدەرىنىڭ ساۋالىنا جاۋاپ بەرگەنىن ايتتى.

«بۇل دەگەنىمىز مەملەكەت - بۇگىنگى جاس جەتكەنشەكتىڭ، ەرتەڭگى ينۆەستيسياسىنىنىڭ نەگىزىن قالىپتاستىرعاندىعىن كورسەتەدى»، - دەپ تولىقتىردى ا. ءالنازاروۆا.

 

اۆتور

داۋلەت ىزتىلەۋ

سوڭعى جاڭالىقتار