دەپۋتات ايدوس سارىمعا 2070-جىلعا دەيىن رەسەي مەن بەلارۋسكە كىرۋگە تىيىم سالىنعان
دەپۋتات ايدوس سارىمعا 2070-جىلعا دەيىن رەسەي مەن بەلارۋسكە كىرۋگە تىيىم سالىنعان. بۇل تۋرالى دەپۋتاتتىڭ ءوزى Telegram-ارناسىندا ايتتى.
«س ءى م (قازاقستاننىڭ- ەسك.) تينا كاندەلاكيدى نون-گراتا پەرسوناسى دەپ تانىدى. دۇرىس. وعان ارتىق ءسوز، ەموتسيا جۇمساۋدىڭ قاجەتى جوق. ءوزىڭدى قۇرمەتتەي ءبىلۋ كەرەك. مەن ءوزىم دە رەسەيدە 2070-جىلعا دەيىن نون-گراتا پەرسوناسى دەپ تانىلعانمىن. ەلدىڭ فەدەرالدى قاۋىپسىزدىك قىزمەتى (ف س ب- ەسك.) ماعان ەسكەرتۋ جىبەرگەن، ياعني شەكارادان وتسەم 7 جىلعا دەيىن قىلمىستىق قۋدالاۋعا تاپ بولۋىم مۇمكىن. بەلارۋستە دە سولاي... ەشكىم ەشتەڭە تۇسىندىرگەن جوق...»، - دەيدى ايدوس سارىم.
ەسكە سالايىق، بۇعان دەيىن قازاقستاننىڭ سىرتقى ىستەر مينيسترلىگى رەسەيلىك تەلەجۇرگىزۋشى تينا كاندەلاكي قازاقستانعا كىرمەيتىنىن ايتقان بولاتىن.
«1، 2، 3 دەگەن ءتىزىم جوق. ول ءار مەملەكەتتىڭ ءوزىنىڭ ىشكى شاراسى. بىرەۋ ۇناماسا ۇيىڭىزگە كىرگىزبەيسىز عوي. سول سەكىلدى ءبىز دە كىرگىزبەيمىز. كەرەك كەزدە شارا قابىلدانادى. ونى ناقتى «بۇگىن، ەرتەڭ كىرگىزبەيسىزدەر مە؟» دەپ تالاپ ەتپەڭىزدەر. مەملەكەت وندايدى ەشقاشان كەشىرمەيدى. ول قازاقستانعا كەلە قويماس. كەلسە كىرمەيدى»، - دەگەن ەدى س ءى م رەسمي وكىلى ايبەك سمادياروۆ.
