دەپۋتات اۆتوبۋستاردا جۇرگىزۋشىنى جولاۋشىلاردان وقشاۋلايتىن شارباق ورناتۋدى ۇسىندى

  استانا. KAZINFORM - استانا ءماسليحاتىنىڭ دەپۋتاتى ساۋلە ساميدين ەلورداداعى مارشرۋتتىق اۆتوبۋستاردا جۇرگىزۋشىنى جولاۋشىلاردان وقشاۋلايتىن شارباق ورناتۋدى ۇسىندى.

«جاڭا اۆتوبۋستار ساتىپ العان كەزدە جۇرگىزۋشىلەردىڭ قاۋىپسىزدىگىن ەسكەرسەڭىزدەر دەگەن ءوتىنىش ايتقىم كەلىپ وتىر. جولاۋشىنىڭ جۇرگىزۋشىگە قول جۇمساۋىنان اپات بولىپ، ادام ءولىمى تىركەلگەنى سياقتى جايتتارعا جول بەرمەۋىمىز كەرەك. شەتەلدەردە جۇرگىزۋشىنى جولاۋشىلاردىڭ شابۋىلىنان قورعايتىن شارباقتار بار. بۇل ماسەلەنى ەرتە باستان، قازىردىڭ وزىندە ويلاستىرۋ كەرەك»،- دەدى دەپۋتات.

ەسكە سالساق، جەلتوقسان ايىندا الماتىداعى №47 باعىتتاعى قوعامدىق كولىكتىڭ ىشىندەگى جولاۋشى جانجال شىعارىپ، جۇرگىزۋشى ايەلدى ۇرعان. سالدارىنان ءۇش ادام قازا تاپتى. 4 ادام ءتۇرلى دەنە جاراقاتتارىمەن اۋرۋحاناعا جەتكىزىلگەن ەدى.