درون شابۋىلى: ماسكەۋگە باعىت العان وزبەكستاندىق ۇشاقتار باسقا اۋەجايلارعا جىبەرىلدى

تاشكەنت. KAZINFORM - ماسكەۋ قالاسىنا جانە وبلىسىنا جاسالعان درون شابۋىلىنا بايلانىستى وزبەكستاننان رەسەي استاناسىنا باعىت العان ءبىرقاتار ۇشاق قونۋ ءۇشىن وزگە اۋەجايلارعا جىبەرىلدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

Uzbekistan Airways كومپانياسىنان ءمالىم ەتكەندەي، مىنا باعىتتا رەيس ورىنداعان ۇشاقتار كەلەسى اۋەجايلارعا قونۋعا جىبەرىلدى:

- بۇحارا-ماسكەۋ - ساماراعا؛

- تاشكەنت-ماسكەۋ - سانكت-پەتەربۋرگكە؛

- ۇرگەنىش-ماسكەۋ - پۋلكوۆوعا؛

- تاشكەنت-ماسكەۋ - ۇرگەنىش اۋەجايىنا باعىتتالدى.

- شەكتەۋلەر الىنعان سوڭ بارلىق رەيستەر نەگىزگى مارشرۋت بويىنشا ورىندالادى. بۇل رەتتە اۆياكومپانيانىڭ كەلەسى رەيستەر كەستەسىنە دە وزگەرىس ەنگىزىلەدى، - دەلىنگەن كومپانيا تاراتقان حابارلامادا.

ەسكە سالايىق، بۇعان دەيىن ەۋروپاعا باعىت العان وزبەكستاندىق ۇشاقتار رەسەيدى اينالىپ ءوتىپ جاتقانىن جازىپ ەدىك. ءبۇعان ەۋروپالىق اۆياتسيالىق قاۋىپسىزدىك اگەنتتىگىنىڭ نۇسقاۋى سەبەپ بولعان.