دەنيس ەۆسەيەۆ قىتايداعى تۋرنيردە الەمنىڭ بۇرىنعى 9-راكەتكاسىن ۇتتى

قازاقستاندىقتار دەنيس ەۆسەيەۆ پەن بەيبىت جۇقايەۆ قىتايداعى شىنجىن چەللەندجەر ءتۋرنيرىن ءساتتى باستادى، دەپ حابارلايدى Kazinform.

теннис
Фото: Фото: ktf.kz

دۇنيەجۇزىلىك رەيتينگتە 260-ورىندا تۇرعان د. ەۆسەيەۆ العاشقى اينالىمدا جۇپتىق سىندا 2015 -جىلعى اۋستراليا اشىق چەمپيوناتىنىڭ جانە 17 ATP جارىسىنىڭ (سونىڭ 9 ى جەكەلەي سىندا) جەڭىمپازى، الەمنىڭ بۇرىنعى 9-ىنشى، قازىرگى 128-راكەتكاسى فابيو فونينيمەن كەزدەستى.

اتاقتى قارسىلاسىن 6:4، 7:6 (8:6) ەسەبىمەن سۇرىندىرگەن قازاقستاندىق تەننيسشى ەكىنشى اينالىمدا قىتايلىق، رەيتينگتە 585-ورىنداعى سۋي تسزەمەن سىنعا تۇسەدى.

سونداي- اق الەمنىڭ 302-راكەتكاسى ب. جۇقايەۆ باستاپقى كەزدەسۋىندە رەيتينگتە 610-ساتىداعى كورت يەسى لي چجەنى جولدان تايدىردى - 6:4، 6:4.

بەيبىت شيرەك فينالعا شىعۋ ءۇشىن الەمنىڭ 69-ىنشى، دودانىڭ 1-راكەتكاسى، اۋستراليالىق تاناسي كوككيناكيسپەن تالاسادى.

ەسكە سالا كەتەيىك، بۇدان بۇرىن ەلەنا رىباكينا باستاعان تەننيسشىلەردىڭ الەم چەمپيوناتىندا قازاقستان نامىسىن قورعايتىنىن جازعان ەدىك.

سوڭعى جاڭالىقتار