دۇنيەجۇزىلىك كوشپەندىلەر ويىنى كەزىندە استانادا ارنايى اۆتوبۋستار قاتىنايدى

استانا. KAZINFORM - ەلوردادا 8-13-قىركۇيەك ارالىعىندا بەسىنشى دۇنيەجۇزىلىك كوشپەندىلەر ويىندارى وتەدى. قالا بويىنشا ازاماتتارعا ىڭعايلى بولۋ ءۇشىن ارنايى اۆتوبۋستار ىسكە قوسىلادى، دەپ حابارلايدى استانا اكىمدىگى.

جارىس كەزىندە ەلوردا تۇرعىندارى مەن قوناقتارى ءۇشىن ساعات 08.00 دەن 20.00 گە دەيىن بىرنەشە ورىننان جۇرەتىن ارنايى اۆتوبۋستار ىسكە قوسىلادى:

1. «استانا ارەنا» تۇراق ايماعى

2. «باس مەشىت» تۇراق ايماعى

3. «ەكسپو» تۇراق ايماعى

ەلوردا تۇرعىندارى مەن قوناقتارىن دۇنيەجۇزىلىك كوشپەندىلەر ويىندارىن وتكىزۋ ورىندارىنا قوعامدىق كولىكپەن قامتاماسىز ەتۋ ماقساتىندا 15-قىركۇيەكتى قوسا العاندا №18، 37، 303، 323 مارشرۋتتاردىڭ قوزعالىس سىزباسى ۋاقىتشا وزگەردى.

ەلوردا تۇرعىندارى مەن قوناقتارى قوزعالىس باعىتىن الدىن الا جوسپارلاۋى قاجەت.