دۇنيەجۇزىلىك كوشپەندىلەر ويىندارىنىڭ مەدالى تانىستىرىلدى

استانا. KAZINFORM - بۇگىن استانادا V دۇنيەجۇزىلىك كوشپەندىلەر ويىندارىنىڭ مەدالى تانىستىرىلدى.

ونى V دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ ديرەكتسياسىنىڭ باسشىسى نايل نۇروۆ تانىستىردى.

مەدال قولا قورىتپاسىنان جاسالعان. ونىڭ ورتاسىندا كوشپەلىلەر وركەنيەتىنىڭ بەلگىسى - ات ۇستىندەگى كۇنباستى ادامنىڭ تاڭباسى بار.

«مەدالدىڭ كونتۋرى ۇلتتىق سيمۆولىمىز شاڭىراق تۇرىندە جاسالعان. مەدال تاسپاسى ەرەكشە، سەردوليك مينەرالىنىڭ ءتۇسى سەكىلدى. وندا ويىنداردىڭ وتەتىن ورنى مەن ۋاقىتى كورسەتىلگەن ەستەلىك جازبا بار»، - دەدى سپيكەر.

ايتا كەتەيىك، دۇنيەجۇزىلىك كوشپەندىلەر ويىندارى استانادا 2024-جىلدىڭ 8-13-قىركۇيەگى ارالىعىندا وتەدى جانە 21 سپورت ءتۇرى بويىنشا 89 ەلدەن 2500 عا جۋىق قاتىسۋشىنىڭ باسىن قوسادى. وسىنداي ايتۋلى ءىس-شارا تەك مادەني جانە سپورتتىق مەرەكە عانا ەمەس، سونىمەن قاتار بالالاردىڭ قۇقىعى مەن ينكليۋزياسى تۋرالى نەگىزگى ماسەلەلەردى العا باستىرۋعا كومەكتەسەتىن الاڭ بولادى.

ەسكە سالا كەتەيىك، بۇعان دەيىن دۇنيەجۇزىلىك كوشپەندىلەر ويىندارىندا جۇلدە العاندار قانشا سىياقى الاتىنىن جازعان ەدىك.

اۆتور كۇنسۇلتان وتارباي