دۇنيەجۇزىلىك كوشپەندىلەر ويىندارىنىڭ بيلەتتەرى قاشان ساتىلىمعا شىعادى

استانا. قازاقپارات - 8-13-قىركۇيەك ارالىعىندا استانادا V دۇنيەجۇزىلىك كوشپەندىلەر ويىندارى وتەدى. قازىرگى ۋاقىتتا اسىق اتۋ، وردو، ارقان تارتۋ، قازاق كۇرەسى، اشىرتمالى ابا گۇرەشي، قۇراش، كوراش، الىش، ماس-رەستلينگ، ءداستۇرلى ساداق اتۋ سياقتى جارىستاردىڭ تۇرلەرىنە بيلەتتەر ونلاين-ساتىلىمدا بار، دەپ حابارلايدى  V دۇنيەجۇزىلىك كوشپەندىلەر ويىندارىنىڭ ديرەكتسياسى.

5-تامىزدان باستاپ بارلىق نيەت بىلدىرۋشىلەر ءۇشىن ويىنداردىڭ اشىلۋ سالتاناتىنا بيلەتتەر قولجەتىمدى بولادى.

حالىقتىڭ كەيبىر ساناتتارى ءۇشىن جەڭىلدىكتەر قاراستىرىلعان.

تولىق اقپاراتتى مىنا سىلتەمە بويىنشا الۋعا بولادى.

ايتا كەتەيىك، V دۇنيەجۇزىلىك كوشپەندىلەر ويىندارى 8-13-قىركۇيەكتە استانادا وتەدى. ءىس-شاراعا الەمنىڭ 89 ەلىنەن 2 مىڭعا جۋىق سپورتشى قاتىسادى دەپ كۇتىلۋدە.

استانادا وتەتىن دۇنيەجۇزىلىك كوشپەندىلەر ويىندارىندا سپورتتىڭ 21 تۇرىنەن 97 مەدال جيىنتىعى ساراپقا سالىنادى.

سونىمەن قاتار دايىندىق اياسىندا ەلوردا وسى اۋقىمدى ءىس-شارانىڭ بىرەگەيلىگىن كورسەتەتىن شاعىن ارحيتەكتۋرالىق نىساندارمەن بەزەندىرىلگەن.

سپورتتىق جارىستار مەن مادەني ءىس-شارالارعا 100 مىڭنان استام تۋريست كەلەدى دەپ كۇتىلۋدە.