11:14, 08 - قىركۇيەك 2024 | GMT +5
دۇنيەجۇزىلىك كوشپەندىلەر ويىندارى كەزىندە ەلوردالىق مەديتسينالىق ۇيىمدار قالاي جۇمىس ىستەيدى
استانا. KAZINFORM - جارىس كۇندەرى قالالىق ەمحانالار مەن اۋرۋحانالار شتاتتىق رەجيمدە جۇمىس ىستەيدى جانە قاجەتتى مەديتسينالىق كومەك كورسەتۋگە دايىن بولادى. بۇل تۋرالى ەلوردا اكىمدىگىنىڭ باسپا ءسوز قىزمەتى حابارلايدى.
«رەزەرۆتىك بەيىندى پالاتالاردى ءبولىپ، شۇعىل مەديتسينالىق كومەك كورسەتۋگە تولىق دايىندىق قامتاماسىز ەتىلدى.
103 قىزمەتى ديسپەتچەرلەر مەن جەدەل جاردەم بريگادالارىنىڭ ۇزدىكسىز جۇمىسىن جالعاستىرۋدا. وتىنىشتەر مەن قوڭىراۋلاردى قابىلداۋ 24/7 جۇزەگە اسىرىلادى.
ەلوردالىق ستاتسيونارلار ادەتتەگىدەي بەلسەندىلىگىن تومەندەتپەي، تاۋلىك بويى جۇمىس ىستەيدى» دەلىنگەن حابارلامادا.
ايتا كەتەيىك، بۇعان دەيىن ەلوردادا «كوشپەندىلەر الەمى» ەتنواۋىلى اشىلعانى تۋرالى جازعان ەدىك.
