دۇنيەجۇزىلىك بانك قازاقستاندا ەكونوميكالىق ءوسۋدىڭ باياۋلاپ، تەڭسىزدىكتىڭ ۇلعايۋىن اتادى

Фото: Canva
Фото: Canva

استانا. KAZINFORM - جوعارى اۋديتورلىق پالاتا 2023-جىلعى رەسپۋبليكالىق بيۋجەتتىڭ اتقارىلۋى تۋرالى قازاقستان رەسپۋبليكاسى ۇكىمەتىنىڭ ەسەبىنە قورىتىندىسىن جاريا ەتتى.

«دۇنيەجۇزىلىك بانكتىڭ باعالاۋى بويىنشا ەكونوميكالىق ءوسۋدىڭ باياۋلاپ، تەڭسىزدىكتىڭ ۇلعايۋى مەملەكەتتىڭ قاتىسۋى باسىم ەكونوميكانىڭ شيكىزات مودەلىن كورسەتەدى. وسى جاعدايدى باسەكەلەستىكتى، ادامي كاپيتالدى دامىتۋ، مەملەكەتتىك جانە كۆازيمەملەكەتتىك سەكتورلاردىڭ كورسەتكىشتەرىن جاقسارتۋ جانە حالىقتىڭ الەۋمەتتىك قورعالۋىن نىعايتۋ ارقىلى باسقاشا ەڭسەرۋگە بولادى. بولجامدى ماكروەكونوميكالىق جانە بيۋجەتتىك پارامەترلەردى قالىپتاستىرۋ كەزىندە ۇ ە م مۇنايدىڭ باعاسى ءبىر باررەل ءۇشىن 85 ا ق ش دوللارى دەڭگەيىندەگى بەلگىلەنگەن بازالىق سەناريدى الدى» - دەلىنگەن قورىتىندىدا.

قۇجاتتا 2023-جىلى ناقتى باعا ءبىر باررەل ءۇشىن 82,6 ا ق ش دوللارى دەڭگەيىندە قالىپتاسقانى اتالىپ وتىلەدى. قازاقستاننىڭ مەملەكەتتىك بيۋجەتى كىرىستەرىنىڭ 40 پايىزدان استامى تابيعي رەنتا ەسەبىنەن قالىپتاسادى جانە مۇناي كىرىستەرىنە تاۋەلدى.

بيۋجەتتىڭ مۇناي كىرىستەرىنە تاۋەلدىلىگىنىڭ كۇشەيۋى بيۋجەت جۇيەسىنىڭ تۇراقتىلىعىن ۇزاق مەرزىمدى كەزەڭدە قامتاماسىز ەتۋ ماسەلەسىنىڭ وزەكتىلىگىن تۋدىرادى. سونىمەن قاتار، 2050-جىلعا دەيىن 137 ەلدىڭ باسىم بولىگى كومىرتەگى بەيتاراپتىعىنا قول جەتكىزۋدى ماقسات ەتەدى. قازاقستان، باسقا دا ءبىرقاتار ەل سياقتى (اۆستراليا، سينگاپۋر، ۋكراينا، قىتاي) كوزدەلگەن مەجەگە 2060-جىلعا قاراي جەتۋدى جوسپارلاپ وتىر.

سوڭعى جاڭالىقتار