دەنساۋلىق ساقتاۋ مينيسترلىگى ستۋدەنتتەردى اقىلى وقۋعا قابىلداۋعا كۆوتا ەنگىزبەك
استانا. KAZINFORM - قازىرگى ۋاقىتتا مەديتسينالىق ءبىلىم بەرۋ سالاسىنداعى اناعۇرلىم وزەكتى ماسەلەلەردىڭ ءبىرى مەديتسينالىق جوعارى وقۋ ورىندارىندا ءبىلىم الۋشى ستۋدەنتتەر سانىنىڭ شامادان تىس كوپ بولۋى.
دەنساۋلىق ساقتاۋ مينيسترلىگى باسشىلىعى بۇل فاكتور ءبىلىم بەرۋ رەسۋرستارىنىڭ ۇلكەن جۇكتەمەسى جانە ءبىلىم بەرۋ ساپاسىنىڭ تومەندەۋىنە اسەر ەتەتىنىن العا تارتىپ وتىر.
«اقىلى نەگىزدە ءبىلىم الاتىن ستۋدەنتتەردى شامادان تىس قابىلداۋ ءبىلىم بەرۋ ورتاسىنا دا، وقىتۋشىلار قۇرامىنا دا، ەڭ باستىسى بولاشاق مەديتسينا ماماندارىن دايارلاۋ ساپاسىنا دا اسەر ەتەدى. بۇل فاكتور قوعامنىڭ مەديتسينانىڭ ءبىلىم بەرۋىنە دەگەن سەنىمىن تومەندەتۋدە جانە دەنساۋلىق ساقتاۋ جۇيەسى ۇلكەن سىنعا تۇسۋدە»، - دەلىنگەن مينيسترلىكتىڭ مالىمدەمەسىندە.
وسىعان بايلانىستى ق ر دەنساۋلىق ساقتاۋ مينيسترلىگى ءبىلىم بەرۋ سانىن ەمەس، ساپاسىن ارتتىرۋ ماقساتىندا ستۋدەنتتەردى اقىلى وقۋعا قابىلداۋعا كۆوتا ەنگىزۋ ماسەلەسىن قاراستىرىپ جاتىر. بۇل ماسەلە بۇگىن مينيسترلىك باسشىلىعىنىڭ، ۆەدومستۆولىق باعىنىستى ۇيىمداردىڭ جانە قوعامدىق كەڭەس مۇشەلەرىنىڭ قاتىسۋىمەن وتكەن ۆەدومستۆو القاسىنىڭ وتىرىسىندا تالقىلاندى.
مەديتسينالىق ءبىلىم بەرۋ باعدارلاماسى دەموگرافيالىق پروتسەستەردى جانە دامۋشى دەنساۋلىق ساقتاۋ جۇيەسىنىڭ ناقتى قاجەتتىلىكتەرىن ەسكەرە وتىرىپ، الداعى 10 جىلدا قالىپتاستىرىلماق.
