دەموگرافيالىق ساياساتتىڭ جاڭا تۇجىرىمداماسىن ازىرلەۋ ۇسىنىلدى

 اسنا. KAZINFORM -قازاقستاننىڭ 2050-جىلعا دەيىنگى دەموگرافيالىق ساياساتىنىڭ تۇجىرىمداماسىن ازىرلەۋ ۇسىنىلدى.

ۇسىنىستى سەنات دەپۋتاتى، قازاقستان رەسپۋبليكاسى پارلامەنتى سەناتىنىڭ الەۋمەتتىك- مادەني دامۋ جانە عىلىم كوميتەتىنىڭ مۇشەسى اسەم راحمەتوۆا جاسادى.

«دەموگرافياعا تىكەلەي اسەرى بار تاعى ءبىر فاكتور - ۇلت ساۋلىعى. تاۋەلسىزدىكتىڭ العاشقى جىلدارىندا حالىقتىڭ ءولىم-ءجىتىمى مەن ءومىر ءسۇرۋ ۇزاقتىعىندا ايتارلىقتار وزگەرىستەر بولدى. ورتالىق ازيانىڭ باسقا ەلدەرىمەن سالىستىرعاندا قازاقستاندا ءولىم- ءجىتىم دەڭگەيىنىڭ جوعارى كورسەتكىشتەرى بايقالادى»، - دەدى اسەم راحمەتوۆا سەناتتا وتكەن ۇكىمەت ساعاتىندا.

سونداي- اق، حالىق قالاۋلىسى ەلىمىزدەگى ءولىم- ءجىتىمنىڭ باستى سەبەپتەرىن اتادى. ونىڭ ىشىندە قان اينالىم جۇيەسى اۋرۋلارىنان %22,7، قاتەرلى ىسىكتەن %8,4، جول اپاتىنان %24,3 جانە تىنىس الۋ ورگاندارى دەرتىنەن %9,8.

«ودان بولەك، ازاماتتاردىڭ رەپرودۋكتيۆتى دەنساۋلىعى مەن پسيحو-ەموتسيانالدىق جاي- كۇيى تاعى بار. وسى ورايدا قۇزىرلى ورگاندار سالاۋاتتى ءومىر سالتىن ساقتاۋعا جالپى حالىقتى ىنتالاندارۋدىڭ كەشەندى شارالارىن كۇشەيتكەنى ءجون»، - دەيدى ول.

اسەم راحمەتوۆا ءسوزىن قورىتىندىلاي كەلە، ۇكىمەت پەن قۇزىرلى مەملەكەتتىك ورگانداردىڭ نازارىنا كەلەسى شارالاردى قابىلداۋدى ۇسىندى:

1. دەموگرافيالىق ساياساتتى ىسكە اسىرۋعا، ونى مەملەكەتتىك جوسپارلاۋ جۇيەسىنە ەنگىزۋگە جاۋاپتى مەملەكەتتىك ورگاندى ايقىنداۋ؛

2. قازاقستاننىڭ 2050 -جىلعا دەيىنگى دەموگرافيالىق ساياساتىنىڭ تۇجىرىمداماسىن ازىرلەۋ؛

3. قولدانىستاعى وتباسىلىق-دەموگرافيالىق، كوشى- قون، ەكونوميكالىق ساياسات شەڭبەرىندە دەموگرافيالىق تەڭگەرىمسىزدىك پروبلەمالارىن ەڭسەرۋ بويىنشا كەشەندى شارالاردى قابىلداۋ؛

4. دەموگرافيانى دامىتۋ بويىنشا وڭىرلىك باعدارلامالاردى ازىرلەۋ؛

5. سالاۋاتتى ءومىر سالتىن ۇستانۋ، رەپرودۋكتيۆتى دەنساۋلىقتى قولداۋ بويىنشا شارالاردى قاراستىرۋ.