دەمالىستا كۇن رايى قانداي بولادى

қар
Фото: Фото: Александр Павский/ Kazinform

«قازگيدرومەت» ر م ك دەمالىس كۇندەرگە اۋا رايى بولجامىن ۇسىندى، دەپ حابارلايدى kazinform.

سينوپتيكتەر مالىمەتىنشە، 15- قازاننان باستالىپ، 28- قازانعا دەيىن سوزىلاتىن تەرەڭ كۇز ماۋسىمى ەندى.

سەنبى، جەكسەنبىدە قازاقستاندا كۇن ايتارلىقتاي سالقىنداي باستايدى.

«رەسپۋبليكانىڭ سينوپتيكالىق جاعدايىن سولتۇستىك اتلانتيكا تسيكلونى مەن سكانديناۆيالىق انتيتسيكلون قالىپتاستىرىپ، ءارتۇرلى فازالاردا جاۋىن-شاشىن تۋدىرادى جانە كۇندىزگى جىلىنۋدى شەكتەيدى.

تەك ەلىمىزدىڭ وڭتۇستىگىندە جاڭبىر جاۋىپ، تاۋلى ايماقتاردا جاڭبىردىڭ سوڭى قارعا ۇلاسادى.

ەلىمىزدىڭ سولتۇستىگىندە جانە ورتالىعىندا تۇندە 0-5- ۇسىك جۇرەدى، كۇندىز اۋا تەمپەراتۋراسى 2+12+ گرادۋسقا دەيىن جوعارىلايدى. ال دۇيسەنبىدە تەرمومەتر 3-5+ گرادۋس كورسەتەدى.

رەسپۋبليكانىڭ باتىسىندا، وڭتۇستىگىندە جانە شىعىسىندا سالىستىرمالى تۇردە جىلى كۇن رايى ساقتالادى»، - دەلىنگەن حابارلامادا.

سوڭعى جاڭالىقتار