دەمالىس كۇندەرى ەلىمىزدىڭ سولتۇستىگىندە 8 گرادۋسقا دەيىن اياز بولادى

ауараиы
فوتو: ەلميرا ورالبايەۆا/kazinform

استانا. KAZINFORM - قازگيدرومەت 27-29 -ساۋىرگە ارنالعان اۋا رايى بولجامىن جاريالادى.

 

سينوپتيكتەردىڭ بولجامىنشا، 27-ساۋىردە جوعارى اتموسفەرالىق قىسىم ءورىسىنىڭ ىقپالىمەن ەلىمىزدىڭ باسىم بولىگىندە كۇن جاۋىن- شاشىنسىز بولادى. اتموسفەرالىق فرونتالدى بولىكتەردىڭ اسەرىنەن 28-ساۋىردە وڭتۇستىكتە جاڭبىر جاۋادى، نايزاعاي وينايدى، 29-ساۋىردە سولتۇستىك- باتىستا جانە سولتۇستىكتە قاتتى جاڭبىر جاۋادى، بۇرشاق جاۋۋى مۇمكىن، 29-ساۋىردە تۇندە رەسپۋبليكانىڭ وڭتۇستىك- شىعىسىنداعى تاۋلى ايماقتاردا جاڭبىر ارالاس قار جاۋادى.

قازاقستان بويىنشا جەل كۇشەيەدى، وڭتۇستىكتە جانە وڭتۇستىك- باتىستا داۋىل سوعادى دەپ كۇتىلۋدە.

جالپى تەمپەراتۋرالىق فونعا كەلەتىن بولساق، كۇندىزگى تەمپەراتۋرا بىرتىندەپ كوتەرىلەدى، الايدا 27-28-ساۋىردە تۇندە ەلىمىزدىڭ سولتۇستىك جارتىسىندا تەرمومەتر باعانى 1-8 گرادۋس ايازعا دەيىن جەتەدى.

سوڭعى جاڭالىقتار