دەمالىس كۇندەرى اۋا رايى قانداي بولادى

استانا. KAZINFORM — «قازگيدرومەت» ر م ق دەمالىس كۇندەرگە ارنالعان اۋا رايى بولجامىن جاريالادى.

— الداعى ەكى كۇندە سولتۇستىك جانە شىعىس ايماقتارعا ءالى دە سولتۇستىك-باتىس تسيكلونى جىراسى اسەر ەتەدى، سوندىقتان قار، جاياۋ بۇرقاسىن بولجانادى. تەك 28-جەلتوقساندا، كەزەكتى انتيتسيكلون سىلەمىمەن، ەلدىڭ سولتۇستىگىندە كۇن اشىلادى. جەرورتا تەڭىزى ايماعىنان كەلەتىن تسيكلوننىڭ اسەرىنەن ەلدىڭ باتىسىندا، 27-جەلتوقساننان باستاپ وڭتۇستىگىندە، سودان كەيىن وڭتۇستىك-شىعىس ايماقتاردا دا تۇراقسىز اۋا-رايى بولادى، جاۋىن-شاشىن (جاڭبىر، قار) جانە كوكتايعاق بولادى. رەسپۋبليكا بويىنشا تۇمان كۇتىلەدى، ەلدىڭ سولتۇستىگىندە جەل كۇشەيەدى، — دەلىنگەن حابارلامادا.

سيونپتيكتەر رەسپۋبليكانىڭ كوپ بولىگىندە تەمپەراتۋرا ءوزىنىڭ كليماتتىق كورسەتكىشتەرىنەن جوعارى بولىپ تۇرعانمەن سولتۇستىك وڭىرلەردە اۋا تەمپەراتۋراسىنىڭ تۇندە 7-15 كە دەيىن، كۇندىز 5-10 گرادۋس ايازعا دەيىن ازداپ تومەندەۋى كۇتىلەتىنىن بولجايدى. ەلدىڭ قالعان اۋماعىندا تەمپەراتۋرالىق فوندا ايتارلىقتاي وزگەرىستەر بولجانبايدى.

ەسكە سالا كەتەيىك، بۇعان دەيىن ش ق و- دا ەكولوگياعا مونيتورينگ جۇرگىزۋ ءۇشىن جاڭا داتچيكتەر ورناتىلاتىنىن جازعان بولاتىنبىز. سەبەبى، سوڭعى كەزدەرى وسكەمەندى تۇمان تۇمشالاپ تۇر.