دەمالىس كۇندەرى اۋا رايى قانداي بولادى؟

سينوپتيكتەر 5-8- قاڭتارعا ارنالعان اۋا رايى بولجامىن جاريالادى، دەپ حابارلادى «قازگيدرومەت» ر م ك.

الداعى كۇندەرى ەلىمىزدەگى اۋا رايىنا اتلانتيكالىق تسيكلون مەن اتموسفەرالىق فرونتتار اسەر ەتەدى. وسىلايشا، قازاقستاننىڭ باسىم بولىگىندە قار مەن قار ارالاس جاڭبىر جاۋادى.

6- قاڭتاردا سولتۇستىك-باتىستا قار كوپ جاۋادى، ال وڭتۇستىكتە قار ارالاس جاڭبىر جاۋادى دەگەن بولجام بار.

7-8- قاڭتاردا سولتۇستىك-باتىسقا، سولتۇستىككە جانە ورتالىققا قالىڭ قار تۇسەدى.

سونداي-اق سولتۇستىك وڭىرلەردىڭ جارتىسىندا كوكتايعاق بولىپ، بوران سوعادى. جالپى ەلىمىزدە تۇمان ءتۇسىپ، جەل كۇشەيەدى. سولتۇستىك-باتىس انتيتسيكلونىنىڭ سۋىق اۋا ماسساسىنىڭ ەنۋىنە بايلانىستى باتىستا، سولتۇستىك-باتىستا، سولتۇستىكتە جانە شىعىستا اۋا تەمپەراتۋراسى كۇرت تومەندەيدى. باتىستا جانە سولتۇستىك-باتىستا تۇندە اۋا تەمپەراتۋراسى مينۋس 8-25 گرادۋسقا دەيىن، ال سولتۇستىكتە مينۋس 5-30 گرادۋسقا دەيىن، شىعىستا مينۋس 5-18 گرادۋسقا دەيىن تومەندەپ، اياز ءتۇسۋى مۇمكىن.

وڭتۇستىك وڭىرلەردە تۇندە اۋا تەمپەراتۋراسى 5- گرادۋس جانە 7+ گرادۋس ارالىعىندا بولادى.