09:14, 09 - مامىر 2024 | GMT +5
دەلي اۋەجايىندا 5 كەلى التىنمەن وزبەكستان ازاماتتارى ۇستالدى
استانا. KAZINFORM - دەليدەگى ينديرا گاندي اتىنداعى حالىقارالىق اۋەجايدا 5 كەلى التىندى زاڭسىز الىپ بارا جاتقان وزبەكستاننىڭ ەكى ازاماتىن كەدەنشىلەر قولعا ءتۇسىردى.
ولارعا قاتىستى تەرگەۋ امالدارى باستالعان. بۇل تۋرالى دەلي كەدەن قىزمەتىنىڭ الەۋمەتتىك جەلىدەگى پاراقشاسىندا حابارلاندى.
اۋەجاي كەدەنىندە دۋبايدان كەلگەن ەكى وزبەكستان ازاماتى تەكسەرىلگەنى اتاپ ءوتىلدى. ناتيجەسىندە ولاردىڭ جالپى قۇنى 3,16 ميلليون رۋپي (شامامەن 16665000 تەڭگە) بولاتىن التىندى زاڭسىز الىپ وتپەك بولعانى انىقتالدى.
ازاماتتاردى كەدەنشىلەر ۇستاعان. سونىمەن بىرگە، تەرگەۋ امالدارى جۇرگىزىلىپ جاتىر.
