دەكلاراتسيادا قۇنى 3,5 ميلليون تەڭگەدەن اساتىن ەكزوتيكالىق جانە اسىل تۇقىمدى جانۋارلاردى كورسەتۋگە بولادى
اكتيۆتەر مەن مىندەتتەمەلەر تۋرالى جالپىعا بىردەي دەكلاراتسيادا ازاماتتار قۇنى 3,5 ميلليون تەڭگەدەن اساتىن اسىل تۇقىمدى جانۋارلاردى كورسەتە الادى.
بۇل تۋرالى مەملەكەتتىك كىرىستەر كوميتەتى وندىرىستىك ەمەس تولەمدەردى، جەكە تۇلعالاردى جانە ارناۋلى سالىق رەجيمدەرىن اكىمشىلەندىرۋ دەپارتامەنتىنىڭ ديرەكتورى نۇرجان قۋاندىقوۆ ايتىپ بەردى، دەپ حابارلايدى Kazinform.
جالپىعا بىردەي دەكلاراتسيا جۇيەسى بارلىق ازاماتتاردىڭ جەكە تۇلعانىڭ بۇكىل شەتەلدىك اكتيۆتەرىن، جىلجىمالى جانە جىلجىمايتىن مۇلكىن كورسەتەتىن «كىرىس» دەكلاراتسياسىن تاپسىرۋىنا بايلانىستى.
وندا باعالى قاعازدار، سيفرلىق اكتيۆتەر (بيتكويندەر)، ۇلەستىك قاتىسۋ شارتى (تۇرعىن ۇيدەگى ۇلەس)، ينۆەستيتسيالىق التىن، زياتكەرلىك مەنشىك جانە اۆتورلىق قۇقىق وبەكتىلەرى، 34,5 ميلليون تەڭگە (10000 ا ە ك) شەگىندە قولما- قول اقشا جانە نوتاريالدى كۋالاندىرىلعان باسقا تۇلعالارمەن نەسيە شارتتارى، شەتەلدىك كومپانياعا قاتىسۋ ۇلەسى، شەتەلدەگى جىلجىمايتىن مۇلىك جانە كولىك، شەتەل بانكىندەگى 7,3 مىڭ ا ق ش دوللارىنان (1000 ا ە ك) جوعارى اقشا كورسەتىلەدى.
«سونداي- اق، اكتيۆتەر مەن مىندەتتەمە تۋرالى دەكلاراتسيادا ازاماتتار قۇنى 3,5 ميلليون تەڭگەدەن (1 ا ە ك) اساتىن جانۋارلار مەن قۇستاردىڭ اسىل تۇقىمدارىن ءوز قالاۋى بويىنشا دەكلاراتسيالاي الادى. ءوسىرۋ نەمەسە پايدالانۋ ءۇشىن جانۋارلار مەن قۇستاردى دەكلاراتسيالاۋدىڭ قاجەتى جوق. اۋىل شارۋاشىلىعى جانە ءۇي جانۋارلارى تۋرالى مالىمەتتى مەملەكەتتىك كىرىس ورگاندارى ۋاكىلەتتى ورگانداردان الادى»، - دەدى ن. قۋاندىقوۆ قارجى مينيسترلىگىندە وتكەن باسپا ءسوز ءماسليحاتىندا.
دەكلاراتسيانى تۇرعىلىقتى مەكەنجاي بويىنشا «سالىق تولەۋشىنىڭ كابينەتى»، «ەلەكتروندى ۇكىمەت» ۆەب- پورتالدارى، «e-salyqاzamat» ، Halyk، بانك سەنتركرەديت ءموبيلدى قوسىمشالارى ارقىلى 2024-جىلدىڭ 15-قىركۇيەگىنە دەيىن تاپسىرۋ قاجەت.
دەكلاراتسيانى ءبىرىنشى رەت ۇسىنباعانى ءۇشىن ەسكەرتۋ، ءبىر جىل ىشىندە قايتالاپ بۇزعانى ءۇشىن 51750 تەڭگە (15 ا ە ك) كولەمىندە ايىپپۇل سالىنادى.
دەكلاراتسيادا تولىق ەمەس نەمەسە انىق ەمەس مالىمەتتەردى ءبىرىنشى رەت ۇسىنعانى ءۇشىن — ەسكەرتۋ، ءبىر جىل ىشىندە قايتالاپ بۇزعانى ءۇشىن — 10 350 تەڭگە (3 اەك) كولەمىندە ايىپپۇل سالىنادى.
جىل ىشىندە ءبىرىنشى رەت سالىق وبەكتىلەرىن جاسىرعانى ءۇشىن — تولەنبەگەن سالىق سوماسىنىڭ 200% مولشەرىندە ايىپپۇل، قايتالاپ بۇزۋشىلىق ءۇشىن — 300% ايىپپۇل سالىنادى.
ايتا كەتەيىك، 2021 -جىلدىڭ 1 قاڭتارىنان باستاپ قازاقستاندا كەزەڭ- كەزەڭىمەن جالپىعا بىردەي دەكلاراتسيا ەنگىزىلىپ كەلەدى.
بيىل ەكىنشى كەزەڭدە كۆازيمەملەكەتتىك سەكتوردىڭ مەملەكەتتىك مەكەمەلەرىنىڭ قىزمەتكەرلەرى جانە ولاردىڭ جۇبايلارى — شامامەن 2,1 ملن ادام دەكلاراتسيا تاپسىرادى.
ءۇشىنشى كەزەڭدە — 2024 -جىلعى 1 قاڭتاردان باستاپ دەكلاراتسيانى زاڭدى تۇلعالاردىڭ قۇرىلتايشىلارى (قاتىسۋشىلارى) ، جەكە كاسىپكەرلىك باسشىلارى، سونداي- اق ولاردىڭ جۇبايلارى تاپسىرادى (3,9 ملن ادام) .
2025 -جىلى 13 ميلليوننان استام ادامدى قامتۋ جوسپارلانىپ وتىر.
