دەكلاراتسيا ۇسىنباعان قازاقستاندىقتار قانداي جاۋاپكەرشىلىككە تارتىلادى
مەملەكەتتىك كىرىستەر كوميتەتى وندىرىستىك ەمەس تولەمدەردى، جەكە تۇلعالاردى جانە ارناۋلى سالىقتىق رەجيمدەردى اكىمشىلەۋ دەپارتامەنتىنىڭ ديرەكتور نۇرجان قۋاندىقوۆ دەكلاراتسيا ۇسىنباعاندارعا قانداي شارا قولدانىلاتىنىن ايتتى، دەپ حابارلايدى Kazinform.
«دەكلاراتسيانى ءبىرىنشى رەت ۇسىنباعانى ءۇشىن - ەسكەرتۋ، ءبىر جىل ىشىندە قايتالاپ بۇزعانى ءۇشىن 51750 تەڭگە كولەمىندە ايىپپۇل سالىنادى. دەكلاراتسيادا تولىق ەمەس نەمەسە انىق ەمەس مالىمەتتەردى ءبىرىنشى رەت ۇسىنعانى ءۇشىن - ەسكەرتۋ، ءبىر جىل ىشىندە قايتالاپ بۇزعانى ءۇشىن 10350 تەڭگە كولەمىندە ايىپپۇل سالىنادى. جىل ىشىندە ءبىرىنشى رەت سالىق وبەكتىلەرىن جاسىرعانى ءۇشىن - تولەنبەگەن سالىق سوماسىنىڭ 200 پايىز مولشەرىندە ايىپپۇل، قايتالاپ بۇزۋشىلىق ءۇشىن 300 پايىز مولشەرىندە ايىپپۇل سالىنادى»، - دەدى ول.
وسى ورايدا ول جەكە تابىسقا سالىقتىق باقىلاۋ قالاي جۇزەگە اسىرىلاتىنىن ءتۇسىندىردى.
«سونىمەن، بىرىنشىدەن كامەرالدىق باقىلاۋ جۇرگىزىلەدى - جەكە تۇلعالاردىڭ شىعىندارى وسىلايشا باقىلانادى. دەكلاراتسيانىڭ بار-جوقتىعى تەكسەرىلەدى. دەكلاراتسيادا تابىس پەن مۇلىكتى كورسەتپەۋ جانە كىرىستى ازايتىپ كورسەتۋ فاكتىسى انىقتالادى. ودان كەيىن كامەرالىق باقىلاۋ ناتيجەلەرى بويىنشا بۇزۋشىلىقتاردى جويماعان ازاماتتارعا قاتىستى سالىقتىق تەكسەرۋ جۇرگىزىلەدى»، - دەدى نۇرجان قۋاندىقوۆ.
