دجينس شالبارىنداعى كىشكەنتاي قالتا نە ءۇشىن قاجەت؟

 ادەتتە دجينس شالبارىندا 5 قالتا بولادى: ەكى الدىڭعى، ەكى ارتقى جانە ءبىر قوسىمشا ىشكى قالتا. ەگەر باستاپقى ۇلكەن ءتورت قالتانىڭ نە ءۇشىن كەرەگى تۇسىنىكتى بولسا، بەسىنشى كىشكەنتاي قالتانىڭ نە ءۇشىن جاسالعانىن ءبارى بىلە بەرمەيدى. 

قالتا
Фото: pixabay.com

دجينس شالبارىنداعى «بەسىنشى» دەپ اتالاتىن كىشكەنتاي قالتا نەگىزىندە بەسىنشى ەمەس، ءتورتىنشى قالتا. العاشقى دجينس شالبارىندا، ياعني Levi's 501 مودەلىندە 4 قالتا - ءبىر ارتقى، ەكى الدىڭعى جانە ءبىر كىشكەنتاي ىشكى قالتا بولعان. دجينس شالبارىن شىعارعان لەيب شتراۋسس ءوز ءونىمىن «پىشاق، اقشا جانە تيىن سالاتىن قالتالارى بار، اسپا باۋسىز جۇمىس كومبينەزونى» دەگەن اتپەن پاتەنتتەيدى. ال نەگىزگى بەسىنشى قالتا - ول ارتقى ەكىنشى قالتا. ول 1901 -جىلى عانا پايدا بولدى.

ەندى، ىشكى قالتاعا ورالايىق. «Levi's» كاتالوگىندا ونىڭ «watch pocket» دەگەن ناقتى اتاۋى بار. نەگىزى كىشكەنتاي قالتا امەريكالىق جۇمىسشىلار وزىمەن بىرگە ساعات سالىپ ءجۇرۋ ءۇشىن جاسالعان.

«Watch pocket» ءىس جۇزىندە تەك ساعات سالۋعا قولدانىلعان جوق. كەيىن ادامدار وعان اقشا، تيىن، ءتىپتى، جۇمىس كەزىندە شەگە سالاتىن بولدى. ويتكەنى بۇل كىشكەنتاي قالتا ۇساق زاتتاردىڭ ءتۇسىپ قالمايتىنىنا كەپىل بولاتىن.

ال ءسىز بەسىنشى قالتاعا نە سالىپ ءجۇرسىز؟

سوڭعى جاڭالىقتار