دجو بايدەن مەن دونالد ترامپ تاعى ءتورت شتاتتاعى پرايمەريزدە جەڭىسكە جەتتى
استانا. KAZINFORM - امەريكانىڭ تاعى ءتورت شتاتى - رود-ايلەند، كوننەكتيكۋت، نيۋ-يورك جانە ۆيسكونسيندەگى دەموكراتيالىق جانە رەسپۋبليكاشىل سايلاۋشىلار سەيسەنبى، 2-ساۋىردە ءوز پارتيالارىنىڭ پرەزيدەنتتىككە كانديداتتارىن تاڭدادى. داۋىس بەرۋدە قازىرگى پرەزيدەنت دجو بايدەن دە، ا ق ش- تىڭ بۇرىنعى پرەزيدەنتى دونالد ترامپ تا سايكەسىنشە دەموكراتيالىق جانە رەسپۋبليكالىق پارتيانىڭ كانديداتۋرالارىنىڭ ىشىندە جوعارى داۋىس جينادى. بۇل تۋرالى Deutsche Welle اقپارات اگەنتتىگى جازدى.
ترامپتى سىنايتىن كەيبىر رەسپۋبليكاشىلدار بۇرىنعىداي اق ءۇيدىڭ بۇرىنعى باسشىسىنىڭ باسەكەلەستەرىنە داۋىس بەرىپ جاتىر.
بايدەن بولسا دەموكراتتاردى يزرايل مەن حاماس راديكالدى يسلامدىق قوزعالىسى اراسىنداعى سوعىسقا قارسىلىق ءبىلدىرۋ ءۇشىن وعان قارسى داۋىس بەرۋگە شاقىرعان بەلسەندىلەردىڭ قارسىلىعىنا تاپ بولدى. سونىمەن بىرگە، رود-ايلەند پەن كوننەكتيكۋتتاعى «قوسىلماعان» سايلاۋشىلار ميننەسوتا مەن ميچيگانداعىداي دەموكراتيالىق داۋىستىڭ ۇلەسىن الدى، سايكەسىنشە 19 جانە %13.
سول كۇنى پرايمەريز دەلاۆەر شتاتىندا ءوتۋى كەرەك ەدى، ءبىراق ولار سايلاۋ دەپارتامەنتىنىڭ شەشىمىمەن توقتاتىلدى، ال دونالد ترامپ پەن دجو بايدەن رەسپۋبليكاشىل جانە دەموكراتيالىق سايلاۋشىلاردىڭ داۋىسىن الاتىن بولدى.
پرايمەريز ماۋسىم ايىنىڭ باسىنا دەيىن جالعاسادى. شىلدە جانە تامىز ايلارىندا رەسپۋبليكالىق جانە دەموكراتيالىق پارتيالار پرەزيدەنتتىككە كانديداتتاردى رەسمي تۇردە ۇسىنۋ ءۇشىن ۇلتتىق جيىن وتكىزەدى.
2024-جىلدىڭ 5-قاراشاسىنا جوسپارلانعان سايلاۋ 1912-جىلدان بەرى ا ق ش- تىڭ بۇرىنعى پرەزيدەنتىنىڭ قازىرگى پرەزيدەنتپەن باسەكەگە تۇسەتىن العاشقى سايلاۋ بولماق.
