دجەننيفەر لوپەس بەن اففلەكپەن اجىراسۋعا ءوتىنىش بەردى

استانا. KAZINFORM - گولليۆۋد جۇلدىزدارى دجەننيفەر لوپەس پەن بەن اففلەك ەكى جىلدىق نەكەدەن كەيىن اجىراسىپ جاتىر. بي-بي-سي العان سوت قۇجاتتارىنا سايكەس، لوپەس سەيسەنبىدە لوس-اندجەلەس وكرۋگىنىڭ جوعارعى سوتىنا اجىراسۋ تۋرالى ارىز بەردى، دەپ حابارلايدى BBC.

قۇجاتتاردا 55 جاستاعى ءانشى 52 جاستاعى اكتەرمەن رەسمي تۇردە اجىراساتىن كۇن - اعىمداعى جىلدىڭ 26-ءساۋىرى بەلگىلەنگەن.

ولار 2022 -جىلدىڭ شىلدەسىندە لاس-ۆەگاستا رەسمي تۇردە ۇيلەندى جانە سول جىلدىڭ 20-تامىزىندا دجوردجيادا ۇيلەنۋ تويىن وتكىزدى.

ب ا ق جازعانداي، لوپەس پەن اففلەك نەكەلەرىنىڭ ەكىنشى مەرەيتويىن 2024 -جىلدىڭ 16-شىلدەسىندە ەكى بولەك وتكىزدى جانە وعان دەيىن بيەۆەرلي-حيللزدەگى ۇيلەرىن 65 ميلليون دوللارعا ساتۋعا قويدى. سونىمەن قاتار، باسپا ءسوز ەرلى-زايىپتىلاردىڭ نەكە ساقينالارىنسىز جۇرگەنىن بايقاعان.

لوس-اندجەلەس وكرۋگىنىڭ جوعارعى سوتىنا بەرىلگەن قۇجاتتاردا لوپەس پەن اففلەك ءبىر-بىرىمەن قارجىلىق اقپاراتتى، سونىڭ ىشىندە اعىمداعى كىرىستەر مەن شىعىندارىن، جىلجىمايتىن مۇلىك پەن قارىزداردى «بارلىق قارجىلىق ماسەلەلەر بويىنشا تۇپكىلىكتى كەلىسىمگە كەلگەنگە دەيىن» ءبولىسۋى كەرەك ەكەنىن اتاپ وتەدى.

لوپەس پەن اففلەك العاش رەت 2002 -جىلى «دجيي» فيلمىنىڭ ءتۇسىرىلىم الاڭىندا كەزدەستى. 2004 -جىلدىڭ باسىندا قارىم-قاتىناسىن ءۇزدى، ءبىراق ونى جيىرما جىلعا جۋىق ۋاقىتتان كەيىن قايتا جالعاستىردى.

52 جاستاعى اففلەك بۇعان دەيىن «پەرل-حاربور» فيلمىنىڭ تۇسىرىلىمىندە تانىسقان اكتريسا دجەننيفەر گارنەرمەن نەكەدە بولعان. ولار 2015 -جىلى 10 جىل وتاسقاننان كەيىن اجىراستى، ورتاق ءۇش بالاسى بار.

دجەننيفەر لوپەس بولسا، ءتورت رەت تۇرمىس قۇرعان: الدىمەن داياشى وحاني نواعا، سودان كەيىن ءبيشى كريس دجادقا، سودان كەيىن ءانشى مارك ەنتونيگە (وسى نەكەدە ولاردىڭ ەگىزدەرى - ۇلى مەن قىزى بولدى).

اۆتور
ەركەجان سماعۇلوۆا