دۋبايدا قىمبات پاتەر العان قازاقتاردى قۇزىرلى ورگاندار تەكسەرەدى

استانا. KAZINFORM - قارجى ۆيتسە-ءمينيسترى ەرجان ءبىرجانوۆ دۋبايدان قىمبات پاتەر ساتىپ العان قازاقتاردى قۇزىرلى ورگاندار تەكسەرەتىنىن ايتتى.

ماجىلىستە دەپۋتات رينات زايتوۆ اۋقاتتى قازاقستاندىقتار شەتەلدەن قىمبات جىلجىمايتىن مۇلىك العانىن جەتكىزدى.

سىزدەر (الەۋمەتتىك جەلىدەن) كورگەن شىعارسىزدار. دۋبايدا (ب ا ءا) 3 مىڭعا جۋىق پاتەرى بار قازاقتار انىقتالدى. پاتەر قۇنى ەڭ كەم دەگەندە 500 ميلليون تەڭگە تۇرادى. وسى شەتەلدە جىلجىمايتىن مۇلكى بار ادامدارعا نەگە سالىق قاراستىرىلماعان، نەگە ولارعا سالىق سالىنبايدى؟، - دەدى ول.

قارجى ۆيتسە-ءمينيسترى ەرجان ءبىرجانوۆ بۇل ماسەلەنى قۇزىرلى ورگاندار تەكسەرەتىنىن اتاپ ءوتتى.

بىزدەن «باسقا ەلدەردەن نەگە سالىق ءوندىرىپ المايسىز؟» دەپ سۇراپ جاتىرسىز. بىرىنشىدەن، «مۇلىكتىڭ پايدا بولۋى زاڭدى ما، زاڭسىز با؟» دەگەندى قازىر باس پروكۋراتۋرا جانىنداعى (اكتيۆتەردى قايتارۋ جونىندەگى) كوميتەت ءوزىنىڭ جۇمىسىنا پايدالانادى دەپ ويلايمىن. بۇل - ءبىزدىڭ وليگارحتاردىڭ مەنشىگى عوي نەمەسە زاڭسىز، قىلمىستىق جولمەن تابىلعان مۇلىك بولۋى مۇمكىن. ونى قۇقىق قورعاۋ ورگاندارى تەكسەرەدى، - دەدى ءمينيستردىڭ ورىنباسارى.

ەكىنشىدەن، مۇلىك سالىعىن تۇرعىلىقتى جەرى بويىنشا وندىرەدى.

مىسالى، بىزدە دۋبايدىڭ ازاماتى پاتەر ساتىپ السا، ونىڭ سالىعىن ب ا ءا سۇرامايدى. ونى ءبىز سۇراپ الامىز. سوندىقتان سالىق تۇرعىلىقتى جەرى بويىنشا وندىرىلەدى. ەگەر اۋىلدا ءۇيىڭىز بولسا، سول اۋداننىڭ بيۋجەتىنە ءسىز سالىق تولەيسىز، - دەپ ءتۇسىندىردى ۆيتسە-مينيستر.